شىمكەنت قالاسىنا ينۆەستيتسيا تارتۋ جانە ينۆەستورلاردى قولداۋ ماقساتىندا «Shymkent» الەۋمەتتىك-كاسىپكەرلىك كورپوراتسياسىنىڭ «Shymkent Invest» ينۆەستيتسيالار تارتۋ دەپارتامەنتى قۇرىلدى. دەپارتامەنت ديرەكتورى بولىپ بولات ەتەكباەۆ تاعايىندالدى. ول وسىعان دەيىن «Shymkent» اكك» اق-نىڭ ينۆەستيتسيا دەپاراتامەنتى ديرەكتورىنىڭ ورىنباسارى قىزمەتىن اتقارىپ كەلگەن.
دەپارتامەنتتىڭ نەگىزگى قىزمەتى - قالا ەكونوميكاسىن جان-جاقتى تالداۋ; قالا تۇرعىندارى جانە قوناقتارىنا قاجەتتى ينۆەستيتسيالىق جوبالاردى انىقتاۋ; سول جوبالارعا ينۆەستورلار تارتۋ; وزدىگىنشە ء(وز جەر تەلىمىندە) جۇزەگە اسىرىلىپ جاتقان ينۆەستيتسيالىق جوبالاردى قولداۋ.قازىرگى تاڭدا دەپارتامەنتپەن جالپى ينۆەستيتسيا كولەمى 349 ملرد تەڭگە قۇرايتىن 25 ينۆەستيتسيالىق جوبا بويىنشا مەموراندۋم ءتۇزىلدى. الدا تاعى 118 ملرد تەڭگە قۇرايتىن 4 ينۆەستيتسيالىق جوبا بويىنشا مەموراندۋم ءتۇزۋ جوسپارلانۋدا. بۇل جوبالار اياسىندا 57 پروبلەمالىق ماسەلە قاراستىلدى، ونىڭ 60 پايىزى وڭ شەشىم تاپقان. ماسەلەلەردىڭ باسىم بولىگى ينۆەستيتسيالىق جوبانى قالانىڭ باس جوسپارىنا سايكەستەندىرۋ، قوسىمشا جەر تەلىمدەرىن ءبولۋ جانە ينجەنەرلىك-كوممۋنيكاتسيالىق ينفراقۇرىلىمعا قوسىلۋ ءۇشىن تەحنيكالىق شارتتار الۋعا قاتىستى بولعان.
