"اق جول" قدپ دەپۋتاتتارى ۇكىمەتتەن، پروكۋراتۋرادان جانە سوتتاردان فيسكالدىق ورگانداردىڭ بيزنەسكە قىسىمىن، جۇمىس ىستەپ تۇرعان كاسىپورىنداردى بانكروتقا ۇشىراتۋدى، كاسىپكەرلەردى قورقىتۋدى جانە ولارعا قاتىستى قىلمىستىق ىستەردى توقتاتۋدى سۇرايدى. بۇل تۋرالى پارتيا باسشىسى ازات پەرۋاشەۆ ءماجىلىس وتىرىسىندا مالىمدەدى دەپ حابارلايدى "ادىرنا" ۇلتتىق پورتالى.
پارلامەنتتىڭ تومەنگى پالاتاسىنىڭ 2022-2024 جىلدارعا ارنالعان بيۋدجەت جوباسىن تالقىلاۋى بارىسىندا "اق جول" فراكتسياسىنىڭ جەتەكشىسى ترانسفەرتتەردى ەسەپكە الماعاندا، 2024 جىلعا دەيىن بيۋدجەت كىرىستەرىن سالىق تۇسىمدەرى ەسەبىنەن شامامەن 97%-عا جەتكىزۋدى قامتاماسىز ەتۋ جوسپارلانعانىنا نازار اۋداردى.
"تۇسىمدەردى ۇلعايتۋ، نەگىزىنەن، «جاقسارتۋ» ەسەبىنەن، ناقتى ايتاتىن بولساق - سالىقتىق اكىمشىلەندىرۋدى قاتاڭداتۋ ەسەبىنەن جوسپارلانىپ وتىر. ءىس جۇزىندە بۇل كوبىنەسە ادال بيزنەسكە قايتا سالىق سالۋعا اكەلەدى. سوڭعى جىلدارى "اق جول" فراكتسياسى دەپۋتاتتارىنىڭ پوشتاسىنا كاسىپكەرلەردىڭ سوتتاردىڭ سالعىرتتىعى كەزىندە ءوز وكىلەتتىكتەرىن سالىقشىلاردىڭ ءوز ەركىنشە ءتۇسىندىرۋى تۋرالى وسىنداي وتىنىشتەرى كۇن سايىن كەلىپ تۇسۋدە، - دەدى جەتەكشى.
"فيسكالدىق ورگانداردىڭ بيزنەسكە شامادان تىس قىسىمى، شوتتارعا تىيىم سالۋ، كەشە عانا ءساتتى جۇمىس ىستەپ جۇرگەن كاسىپورىنداردى بانكروتتىققا جەتكىزۋ، كاسىپكەرلەردى قورقىتۋ جانە ولارعا قاتىستى قىلمىستىق ىستەر بۇگىنگى كۇننىڭ وزىندە ىسكەرلىك جاعدايعا قاۋىپ توندىرەدى. بيزنەس تەك ينۆەستيتسيا ءۇشىن عانا ەمەس، كاسىپكەرلەردىڭ بوستاندىعى مەن دەنساۋلىعى ءۇشىن دە قاۋىپتى كاسىپكە اينالۋدا. ال مەملەكەتتىك ورگانداردىڭ بۇل تاجىريبەنى قاتاڭداتۋ نيەتى ەلەۋلى الاڭداۋشىلىق تۋعىزادى", - دەدى ا. پەرۋاشەۆ.
ء"بىز ۇكىمەتتەن، پروكۋراتۋرا ورگاندارىنان، اسىرەسە سوت ينستانتسيالارىنان مۇنداي قاۋىپتەردى سوزبەن ەمەس، ءىس جۇزىندەگى قادامدارمەن سەيىلتىپ، كەرىسىنشە ەكەنىن دالەلدەۋدى سۇرايمىز", - دەدى ءماجىلىس دەپۋتاتى.
"ادىرنا" ۇلتتىق پورتالى.
