Azat Perýashev: Kásipkerlerdi qorqytýdy jáne olarǵa qatysty qylmystyq isterdi toqtatýdy suraımyz

1958
Adyrna.kz Telegram

"Aq jol" QDP depýtattary Úkimetten, prokýratýradan jáne sottardan fıskaldyq organdardyń bızneske qysymyn, jumys istep turǵan kásiporyndardy bankrotqa ushyratýdy, kásipkerlerdi qorqytýdy jáne olarǵa qatysty qylmystyq isterdi toqtatýdy suraıdy. Bul týraly partııa basshysy Azat Perýashev Májilis otyrysynda málimdedi dep habarlaıdy "Adyrna" ulttyq portaly.

Parlamenttiń tómengi palatasynyń 2022-2024 jyldarǵa arnalǵan bıýdjet jobasyn talqylaýy barysynda "Aq jol" frakııasynyń jetekshisi transfertterdi esepke almaǵanda, 2024 jylǵa deıin bıýdjet kiristerin salyq túsimderi esebinen shamamen 97%-ǵa jetkizýdi qamtamasyz etý josparlanǵanyna nazar aýdardy.

"Túsimderdi ulǵaıtý, negizinen, «jaqsartý» esebinen, naqty aıtatyn bolsaq - salyqtyq ákimshilendirýdi qatańdatý esebinen josparlanyp otyr. Is júzinde bul kóbinese adal bızneske qaıta salyq salýǵa ákeledi. Sońǵy jyldary "Aq jol" frakııasy depýtattarynyń poshtasyna kásipkerlerdiń sottardyń salǵyrttyǵy kezinde óz ókilettikterin salyqshylardyń óz erkinshe túsindirýi týraly osyndaı ótinishteri kún saıyn kelip túsýde, - dedi jetekshi.

"Fıskaldyq organdardyń bızneske shamadan tys qysymy, shottarǵa tyıym salý, keshe ǵana sátti jumys istep júrgen kásiporyndardy bankrottyqqa jetkizý, kásipkerlerdi qorqytý jáne olarǵa qatysty qylmystyq ister búgingi kúnniń ózinde iskerlik jaǵdaıǵa qaýip tóndiredi. Bıznes tek ınvestıııa úshin ǵana emes, kásipkerlerdiń bostandyǵy men densaýlyǵy úshin de qaýipti kásipke aınalýda. Al memlekettik organdardyń bul tájirıbeni qatańdatý nıeti eleýli alańdaýshylyq týǵyzady", - dedi A. Perýashev.

"Biz Úkimetten, prokýratýra organdarynan, ásirese sot ınstanııalarynan mundaı qaýipterdi sózben emes, is júzindegi qadamdarmen seıiltip, kerisinshe ekenin dáleldeýdi suraımyz", - dedi Májilis depýtaty.

 

"Adyrna" ulttyq portaly.

Pikirler