شىمكەنتتە قىسقامەتراجدى فيلمدەر فەستيۆالىنىڭ ۇزدىكتەرى انىقتالدى

1642
Adyrna.kz Telegram

شىمكەنت قالاسىندا جاس رەجيسسەرلارعا ارنالعان «SHYMKENT NOMAD FILM FEST» قىسقامەتراجدى فيلمدەر فەستيۆلى ءوز مارەسىنە جەتتى. «جاستار رەسۋرستىق ورتالىنىڭ» ۇيىمداستىرۋىمەن وتكەن سالتاناتتى جيىن ەل تاۋەلسىزدىگىنىڭ 30 جىلدىعىنا ارنالادى.ۇزدىكتەردى ماراپاتتاۋ راسىمىندە شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان ارنايى قاتىسىپ، جاس تالانتتارعا شىعارماشىلىق تابىس تىلەدى.

اقنيەت امانحان – ءتىلشى  ونەردىڭ ۇلكەنى - كينو. بۇرىندارى فيلمدەر اق-قارا تۇستە بولسا، بۇگىندە كينويندۋستريا دامىعان…

ءداستۇرلى تۇردە ۇيىمداستىرىلىپ كەلە جاتقان بايقاۋدىڭ بيىل 5 ماۋسىمى. باستى ماقسات قالامىزداعى كينويندۋستريا سالاسىنا ۇلكەن ءمان بەرىپ، جاس تالانتتارعا قولداۋ جاساۋ. سونىمەن قاتار فەستيۆالگە قاتىسۋشى دارىندى جاستاردىڭ شىعارماشىلىعىنا قولداۋ كورسەتۋ ارقىلى مۇمكىندىك بەرەتىن ۇلكەن شىعارماشىلىق الاڭ قۇرۋ. جاستارىمىز وسىنداي قارقىندا ەڭبەكتەنىپ، ىزدەنە تۇسسە قالامىزدان ءالى تالاي مىقتى كينورەجيسسەرلەر شىعاتىنى ءسوزسىز. وسىنداي شاعىن كينوفەستيۆالدەر ولاردىڭ تانىلىپ، شىڭدالا تۇسۋىنە جول اشادى دەپ سەنەمىز، - دەدى قالا اكىمىنىڭ ءبىرىنشى ورىنباسارى.

شىڭعىس مۇقان - شىمكەنت قالاسى اكىمىنىڭ ءبىرىنشى ورىنباسارى

وسى جىلدىڭ 12 تامىز -10 قىركۇيەك  ارالىعىندا وتكەن بايقاۋعا قاتىسۋعا 30 ۇمىتكەر نيەت ءبىلدىرىپ، قازىلار القاسى سونىڭ ىشىنەن 10 كينوتۋىندىنى ىرىكتەپ العان. بايقاۋ قورىتىندىسى بويىنشا ءۇشىنشى ورىندى ەرسۇلتان تىلەۋوۆتىڭ «تاڭداۋ» تۋىندىسى قورىتىندىلادى. ەكىنشى ورىن دميتري ءۆلاديميروۆيچتىڭ ەنشىسىندە « جەتىستىك» ءفيلمى. ال ءبىرىنشى ورىن «ساداقا» ءفيلمىنىڭ رەجيسسەرى بولات قوجاحمەتكە بۇيىردى. باس جۇلدەگە «اكە» ءفيلمىنىڭ رەجيسسەرى ەرداۋلەت اليبەكوۆ يە بولدى.

ەرداۋلەت اليبەكوۆ - “اكە” ءفيلمىنىڭ رەجيسسەرى

ايتا كەتەيىك، بۇل فەستيۆال بۇعان دەيىن «سامعاۋ» دەگەن اتاۋمەن شىمكەنتتە 5 جىل قاتارىنان وتكىزىلگەن بولاتىن. بىراق ەلدەگى ەپيداحاۋالدىڭ كۇردەلەنۋىنە بايلانىستى ۋاقىتشا  توقتاعانىمەن بيىل «Shymkent nomad film fest» قىسقامەتراجدى فيلمدەر فەستيۆالى اتاۋىمەن قايتا باستاۋ الدى.

 

ا.امانحان

پىكىرلەر