قازاقستاندا وزبەكستاننان كەلگەن ءتورت ايەل گيپنوزبەن الماتىلىقتاردان اقشا مەن التىن بوپسالادى، دەپ حابارلايدى “ادىرنا” ۇلتتىق پورتالى.
17 جانە 18 قازاندا ەسىك قالاسىنىڭ ەكى تۇرعىنى مەن كوكتوبە اۋىلىنىڭ تۇرعىنى ەڭبەكشىقازاق ءوڭىرىنىڭ ءبىرتۇتاس كاسىپورنىنداعى الاياقتىق تۋرالى ارىز جازدى.
ارىزدانۋشىلاردىڭ ايتۋىنشا، ءتورت ايەل الاياقتىق جولىمەن گيپنوزدىڭ كومەگىمەن ولاردىڭ سەنىمىنە كىرىپ، ءىرى كولەمدە دوللار مەن تەڭگەدە اقشا، التىن بۇيىمدار مەن قىمبات ۇيالى تەلەفوندى يەمدەنگەن.
جەدەل-ىزدەستىرۋ شارالارىنىڭ ناتيجەسىندە 25 پەن 42 جاس ارالىعىنداعى وزبەكستاننىڭ ءتورت ازاماتى ۇستالدى. ولاردان ۇرلانعان التىن بۇيىمدار - ساقينا، سىرعا مەن شىنجىر - ولاردىڭ كىناسىنىڭ زاتتاي دالەلى رەتىندە الىندى.
ايەلدەر كىناسىن ءىشىنارا مويىندادى، جابىرلەنۋشىلەر ەرىكتى تۇردە اقشا مەن ماتەريالدىق قۇندىلىقتاردى سىيعا تارتتى دەپ ءتۇسىندىردى.
الاياقتارعا قارسى قىلمىستىڭ وسى فاكتىلەرىنىڭ نەگىزىندە قر قك 190 -بابىنىڭ «ادامدار توبى جاساعان الاياقتىق» بىرنەشە پۋنكتى بويىنشا قىلمىستىق ءىس قوزعالدى. قر -دا تىركەۋسىز جۇرگەن كۇدىكتىلەر قابىلداۋ بولىمىنە ورنالاستىرىلعان. سوتقا دەيىنگى تەرگەۋ جۇرگىزىلۋدە.
