شىمكەنت قالالىق №2 اۋرۋحانا قالىپتى جاعدايدا جۇمىس ىستەۋگە كوشتى. بۇعان دەيىن ەلىمىزدەگى قالىپتاسقان جاعدايعا بايلانىستى مەديتسينالىق ورتالىق عاسىر دەرتىنە شالدىققانداردى ەمدەۋگە نەگىزدەلگەن بولاتىن. مەكەمە ەندى ءتۇرلى ناۋقاستاردى قابىلداپ، ەم-دوم جۇرگىزەتىن بولادى. قالا اكىمىنىڭ ءبىرىنشى ورىنباسارى شىڭعىس مۇقان اۋرۋحانانىڭ قازىرگى جاعدايىمەن ارنايى تانىسىپ شىقتى.
كوپشىلىككە بۇعان دەيىن فوسفور اتاۋىمەن تانىمال №-2 قالالىق اۋرۋحانا تولىقتاي كۇردەلى جوندەۋدەن ءوتىپ، زامان تالابىنا ساي جاڭعىرتىلعان بولاتىن. مەكەمەدەگى كت كابينەتتەرى مەن جانساقتاۋ بولىمدەرى دە سوڭعى ۇلگىدەگى قۇرىلعىلارمەن جابدىقتالعان. اۋرۋحانا كارانتين شارالارى كۇشەيگەن جاز ۋاقىتىندا قاتاڭ تارتىپتە جۇمىس ىستەپ، 10 شىلدە مەن 17 قىركۇيەك ارالىعىندا كوروناۆيرۋس ينفەكتسياسىن جۇقتىرعانداردىڭ ەمدەۋ ورتالىعىنا اينالدى. بۇگىنگى تاڭدا شىمكەنت قالاسىنداعى ەپيدەميولوگيالىق احۋال تۇراقتالىپ، ىندەت جۇقتىرعاندار ازايىپ ، ينفەكتسيالىق ستاتسيونارلار جابىلدى. دەگەنمەن، ءاردايىم دايىندىقتى پىسىقتاپ وتىرۋ قاجەت، – دەيدى شىڭعىس جۇمابەكۇلى.
شىڭعىس مۇقان–شىمكەنت قالاسى اكىمىنىڭ ءبىرىنشى ورىنباسارى
اۋرۋحانا دارىگەرلەرى ءۇش ايعا جۋىق ۋاقىت ارالىعىندا كوروناۆيرۋس ىندەتتىن جۇقتىرعان ناۋقاستارعا مەديتسيتسنالىق كومەك كورسەتتى. كۇن-ءتۇن دەمەي ەڭبەك ەتكەن مەديتسينا قىزمەتكەرلەرىنىڭ ەڭبەگىن ەرەكشە اتاپ وتكەن ءجون. قازىر اۋرۋحانا جوسپارلى تۇردە ناۋقاستاردى قابىلداۋدا. مۇندا جەتكىزىلگەن پاتسيەنتتەر كوۆيدكە اناليز تاپسىرىپ، ناتيجەسى دايىن بولعانشا ارنايى ايماقتا بولادى.
نازكەنسكاندار
