شىمكەنت قالاسىنىڭ اكىمى مۇرات ايتەنوۆ رىسقۇلوۆ-قوناەۆ كوشەلەرىنىڭ قيىلىسىندا سالىنىپ جاتقان جولايرىقتىڭ قۇرىلىس الاڭىنا باردى. نىسان قۇرىلىسى كەستەگە ساي جۇرگىزىلۋدە. د.قوناەۆ داڭعىلى قازان ايىنىڭ باسىندا اشىلسا، ت.رىسقۇلوۆ كوشەسى قاراشا ايىندا اشىلادى دەپ جوسپارلانۋدا.
نىسان قۇرىلىسىنا جاۋاپتى مەردىگەر - «Bazis Construction» جشس-گى. جولايرىقتىڭ جالپى ۇزىندىعى د.قوناەۆ داڭعىلى بويىنشا - 1 030 م، ال ت.رىسقۇلوۆ كوشەسى بويىنشا - 684,7 م. جولدىڭ ەنى - 45 مەتر.مەردىگەر مەكەمەنىڭ وكىلى بۇگىندە ينجەنەرلىك جۇمىستار تولىعىمەن اياقتالىپ، قوناەۆ داڭعىلى جانە رىسقۇلوۆ كوشەسى بويىنشا 800 مەتر اسفالت جابىندىسى توسەلگەنىن جانە جول وتپەسىنىڭ 20 بالكاسى ورناتىلعانىن ءمالىم ەتتى.قوناەۆ داڭعىلىن توننەل ارقىلى كولىكتەردىڭ قوزعالىسى قازان ايىنىڭ باسىندا اشۋ جوسپارلانۋدا. جوباعا سايكەس، رىسقۇلوۆ كوشەسىندە بايتۇرسىنوۆ كوشەسىنەن دۋلاتي كوشەسىنە دەيىنگى ارالىقتا جولدىڭ ەنى كەڭەيىپ، جول جامىلعىسىن جاڭارتۋ جۇمىستارى قاراستىرىلعان.جولايرىقتىڭ كوپىر وتكەلىن سالۋ، جول جامىلعىسىن سالۋ جۇمىستارىن جالعاستىرۋ ءۇشىن، رىسقۇلوۆ كوشەسىنەن بايتۇرسىنوۆ پەن دۋلاتي كوشەسىنە دەيىن كولىك قوزعالىسى ءۇشىن تولىعىمەن شەكتەلگەن.
