شىمكەنت قالاسىنىڭ اكىمى مۇرات ايتەنوۆ «شىمكەنت جاستار ليگاسىندا» جەڭىمپاز بولعان ا.س.پۋشكين اتىنداعى №1 مەكتەپ-گيمنازياسىندا بولدى. مەكتەپ اۋلاسىنداعى سەنبىلىككە قاتىسىپ، بالالارعا قالانىڭ تازا، ادەمى ءارى جاسىل جەلەككە ورانىپ تۇرۋى ءاربىر ادامنىڭ سۇيىسپەنشىلىگى مەن جاناشىرلىعىن قاجەت ەتەتىنىن اتاپ ءوتتى.شاحماتتان ءى ورىن العان بۇل مەكتەپكە 20 ملن تەڭگە قارجىلاي سىيلىق بەرىلگەن. اتالعان قارجىعا «شىمكەنت – قايىرىمدى قالا» قورى ارقىلى مەكتەپتىڭ ماتەريالدىق-تەحنيكالىق بازاسىن نىعايتۋ ماقساتىندا 12 دانا جىلجىمالى ينتەراكتيۆتى پانەل العان.
اكىم وقۋشىلاردىڭ بۇل يگى ىسىنە ريزاشىلىعىن ءبىلدىرىپ، مەكتەپكە تانىتقان جاناشىرلىقتارى ءۇشىن العىسىن جەتكىزدى. ءوز كەزىندە بالالار كەلەر جىلىدا سپورتتىق جارىسقا قاتىساتىندارىن ايتىپ، ءبىلىم مەن سپورتتا الدا بولاتىندارىنا ءسوز بەردى.قالا باسشىسىن مەكتەپ ديرەكتورى گۇلناز ابيلداەۆا فيزيكا، حيميا جانە STEM كابينەتتەرىن جانە سپورت سەكتسيالارى مەن حورەگرافيا ۇيىرمەسىنىڭ جۇمىسىمەن تانىستىردى.مەكتەپ جەتىستىگىنە توقتالعان گۇلناز ابيلداەۆا ءبىلىم سالاسىندا سىڭىرگەن ەڭبەگى ءۇشىن ءبىر ۇستاز «قازاقستاننىڭ ەڭبەگى ەرى » اتاعىنىڭ يەگەرى ەكەنىن، ال ەكى پەداگوگ «ءبىلىم سالاسىنىڭ قۇرمەتتى قىزمەتكەرى»، ءبىر مۇعالىم رەسپۋبليكالىق «ۇزدىك پەداگوگ» جانە ءتورت ۇستاز «قر اعارتۋ ءىسىنىڭ وزاتى» توسبەلگىسىنىڭ يەگەرلەرى سىندى ەرەكشە قۇرمەتكە يە بولعانىن اتاپ ءوتتى.سونىمەن قاتار ول 116 وقۋشىنىڭ «التىن بەلگى» يەگەرى اتانعانىن، 48 بالا حالىقارالىق عىلىمي جوبالاردىڭ وليمپيادا جۇلدەگەرلەرى ەكەنىن جانە 67 ءبىلىم الۋشى ءتۇرلى وليمپيادا جەڭىمپازدارى بولعانىن مالىمدەدى.قالا اكىمى بالالاردىڭ ساپالى ءبىلىم الۋى ءۇشىن مەكتەپتەردىڭ ماتەريالدىق-تەحنيكالىق بازاسىن نىعايتۋ بويىنشا جۇمىستار جۇيەلى تۇردە جۇرگىزىلىپ كەلەتىنىن ايتىپ، جاڭا موديفيكاتسيالانعان جابدىقتارمەن قامتاماسىز ەتۋ ماقساتىندا 263 كابينەت، 178 ينتەراكتيۆتى تاقتا ورناتۋ جۇمىستارى جۇرگىزىلگەنىنە توقتالدى. ءبىلىم وشاعىنىڭ جۇمىسىنا وڭ باعاسىن بەردى.
