ينۆەستيتسيالىق جوبا وتىرىسىندا 13 جوبا ۇسىنىلدى

1653
Adyrna.kz Telegram

شىمكەنتتە اۆتوموبيلدەردىڭ قوسالقى بولشەكتەرىن شىعاراتىن ءوندىرىس ىسكە قوسىلۋى مۇمكىن. بۇل تۋرالى شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن وتكەن ينۆەستيتسيا جونىندەگى شتابتىڭ كەزەكتى وتىرىسىندا ايتىلدى. ودان بولەك قۇرىلىس، مەديتسينا، ساۋدا جانە الەۋمەتتىك نىساندار جانە كوپ قاباتتى تۇرعىن ءۇي باعىتى بويىنشا جالىپ 13 جاڭا جوبا ۇسىنىلدى.

اتاپ ايتقاندا، ۇندىستاندىق «ماننات حەلتكەار» جشس اۆتوموبيل قوسالقى بولشەكتەرى ءوندىرىسى، بيواكتيۆتى قوسپالار ءوندىرىسىن، يراندىق «KHZ EXPO-777» جشس بازالت تالشىقتان وتقا ءتوزىمدى ماتا ءوندىرۋ، تۇركيالىق «وزديل» جشس كومپانياسى وكىلدەرى گازوبلوك ءوندىرىسى جوباسىن جۇزەگە اسىرۋعا نيەتتى.  ودان بولەك، «Lotos Trade» جشس بوياۋ ماتەريالدارى، «UnitPacking» جشس قاعاز جانە گوفروكارتون ءوندىرىسى، «بەكناز ي ك» جشس قۇرساي شاعىناۋدانىندا 500 ورىندىق مەكتەپ، «اي-ارۋ» جشس UEFA تالاپتارىنا ساي ەكى فۋتبول الاڭىن سالۋ، «ارنات ينۆەست» جشس «شىمكەنت سيتي» شاعىناۋدانىندا زاماناۋي ساۋدا-ويىن-ساۋىق ورتالىعى، «مەيرام» جشس كينوستۋديا جوباسى بار. سونىمەن قاتار، «Integra Construction KZ» جشس، «01KZ-Building» جشس، «NTR» جشس كوپقاباتتى تۇرعىن ءۇي قۇرىلىسىن سالۋعا قىزىعۋشىلىق تانىتىپ وتىر.ءار جوباعا جەكە توقتالىپ وتكەن قالا باسشىسى، تۋىنداعان جانە تۋىنداۋى مۇمكىن دەگەن ماسەلەلەردىڭ ۋاقىتىلى شەشىمى ءۇشىن ءتيىستى سالا باسشىلارىنا ناقتى تاپسىرمالار بەردى. ءار جوباعا بارىنشا كومەك كورسەتىلەتىنىن، جەر تەلىمى جانە ينفراقۇرىلىم سەكىلدى ماسەلەلەر شەشىمىن تاباتىنىن ايتا كەلە، كاسىپكەرلەرگە العىسىن ءبىلدىردى.

 

پىكىرلەر