جۇمات شانين اتىنداعى شىمكەنت قالالىق اكادەميالىق قازاق دراما تەاترى 88-ءشى ماۋسىمىن دۋلات رامازاننىڭ «ابىلاي حاننىڭ ارمانى» اتتى تاريحي دراماسىمەن باستادى. قويىلىم ەل تاۋەلسىزدىگىنىڭ 30 جىلدىعىنا ورايلاستىرىلىپ وتىر. سونىمەن قاتار تەاتر قازاقستان رەسپۋبليكاسىنىڭ مادەنيەت قايراتكەرى، كاسىبي «ەڭلىكگۇل»، ۇلتتىق «ساحناگەر» سىيلىقتارىنىڭ يەگەرى باقىت سرايلوۆتىڭ «كەڭىستىك» اتتى تەاتر ساندىك كورمەسى ۇسىنىلدى.
"قازاقتىڭ كەلەشەگى وزگەگە ەمەس وزىنە بايلانىستى..." دەگەن ابىلايدىڭ وسيەتى قازىرگى ۋاقىتتا دا وزەكتى كۇيىندە قالىپ وتىر. ىقىلىم زاماندا ەل ىرگەسىنىڭ بۇزىلماۋى، شاڭىراعىنىڭ شايقالماۋى ءۇشىن قاجىر-قايراتى مەن پاراساتىن سارقا جۇمساعان دانا قولباسشىنىڭ ىشكى جانە سىرتقى دۇشپاندارىمەن ارپالىسا وتىرىپ، قازاق ەلىن ءبىر تۋدىڭ استىنا بىرىكتىرۋدى اڭساعان حان ابىلايدىڭ ارمانى جايلى تاريحي دراما بىرنەشە جىل الدىن ساحنالانعان. دۋلات رامازان «ابىلاي حاننىڭ ارمانى» تاريحي دراماسى اراعا 2 جىل سالىپ قايتا كورەرمەن نازارىنا ۇسىنىلىپ وتىر.
بەكبولات قۇرمانعوجاەۆ –تەاتردىڭ كوركەمدىك جەتەكشىسى، قر ەڭبەك سىڭىرگەن قايراتكەرى، پروفەسسور، رەجيسسەر
ەگەمەندىكتىڭ 30 جىلدىعى بار، بارلىعىن سارالاي كەلە وسى قويىلىمدى قويدىق(30- 1.00)
ماحمەتالى داريەۆ – ابىلاي حاننىڭ ءرولىن سومداۋشى
وبرازدى سومداۋ قيىن بولمادى، تەك تىلدىك ساۋاتتىلىق جاعىنان قينالدىق
ايتا كەتەيىك، تەاتر فويەسىندە قازاقستان رەسپۋبليكاسىنىڭ مادەنيەت قايراتكەرى، كاسىبي «ەڭلىكگۇل»، ۇلتتىق «ساحناگەر» سىيلىقتارىنىڭ يەگەرى باقىت سرايلوۆتىڭ «كەڭىستىك» اتتى تەاتر ساندىك كورمەسى دە ءوتىپ جاتىر. تەاتر ۇجىمى بۇدان كەيىن دە كورەرمەندى تىڭ تۋىندىلارمەن قۋانتۋعا دايىنبىز دەيدى.
ا.امانحان
