شىعىس قازاقستاندا ءتورت ادام، ونىڭ ىشىندە ەكى ءجاسوسپىرىم كومىرقىشقىل گازىنان ۋلاندى، دەپ حابارلايدى "ادىرنا" ۇلتتىق پورتالى.
وبلىستىق توتەنشە جاعدايلار دەپارتامەنتىندە حابارلانعانداي، وقيعا گلۋبوكوە اۋىلىندا بولعان.
كومىرقىشقىل گازىنان ۋلانعان ءتورت ادام - 2000, 2002, 2006 جانە 2010 ج.ت. 2006 جىلى تۋعان قىز اۋىر دارەجەدە، قالعاندارى - ورتاشا دارەجەدە زارداپ شەككەن. بارلىعى اۋرۋحاناعا جاتقىزىلدى، دەپ شقو دسش ءباسپاسوز قىزمەتى مالىمدەدى.
دەپارتامەنت اۋداندىق توتەنشە جاعدايلار ءبولىمىنىڭ قىزمەتكەرلەرى تامىز ايىندا وسى ءۇيدىڭ تۇرعىندارىنا پەشتى جىلىتۋ ماۋسىمىنا دايىنداۋ قاجەتتىگى تۋرالى ەسكەرتكەنىنە سەندىردى، بىراق ءۇي يەلەرى ءورت سوندىرۋشىلەردىڭ كەڭەسىنە قۇلاق اسپادى.
زەرتتەۋ سىناۋ زەرتحاناسىنىڭ قىزمەتكەرلەرى ارنايى قوندىرعى كومەگىمەن قوناق بولمەدە كومىرتەگى توتىعىنىڭ مولشەرىنە ولشەۋ جۇرگىزدى. قۇرىلعى كومىرتەگى توتىعىنىڭ بولعانىن كورسەتتى، سودان كەيىن بولمەلەر جەلدەتىلىپ، پەشتى پايدالانۋ كەزىندەگى ەرەجە بۇزۋشىلىقتاردى جويۋ بويىنشا ۇسىنىستار بەرىلدى، دەيدى شقو دسش ءباسپاسوز قىزمەتى.
كومىرتەك توتىعىن بەكەرگە «ءۇنسىز ءولتىرۋشى» دەپ اتاماسا كەرەك. ونى كورۋ، سەزىنۋ مۇمكىن ەمەس جانە ونىڭ سالدارىنىڭ سوڭى وتە قايعىلى اياقتالۋى مۇمكىن. كومىرتەك توتىعىمەن ۋلانۋ كونتسەنتراتسياعا بايلانىستى كۇرت نەمەسە باياۋ كورىنۋى مۇمكىن. وتە جوعارى كونتسەنتراتسيادا ۋلانۋ تەز جۇرەدى، سانانىڭ جوعالۋىمەن، قۇرىسۋلارمەن جانە تىنىس الۋدىڭ توقتاۋىمەن سيپاتتالادى.
اتالعان قايعىلى جاعدايدان ساق بولۋ ءۇشىن شقو تجد مىناداي ەرەجەلەردى ۇسىنادى:
- جوندەلگەن جانە دۇرىس جۇمىس جاسايتىن پەش جابدىقتارىن عانا قولدانىڭىز;
- پەشتى ۋاقىتىندا جوندەڭىز، پەش جاقتاۋىنداعى سىنىقتاردى، جارىقتاردى جابىڭىز;
- مۇرجانى ۋاقىتىندا تازالاۋ;
- جاقسى جەلدەتۋ;
- پەشتىڭ دەمپفەرىن كومىر تۇتانىپ كەتكەنشە جاپپاڭىز.
توتەنشە جاعدايدا «101» جانە «112» تەلەفوندارىنا حابارلاسىڭىز.
"ادىرنا" ۇلتتىق پورتالى
