تالدىقورعاندا ەرلەر مەن ايەلدەر اراسىندا مۋايتايدان قر چەمپيوناتى ءوتتى. ءىس-شاراعا قر مۋايتاي فەدەراتسياسىنىڭ ۆيتسە-پرەزيدەنتى فارحات امانقۇلوۆ، قازاقستاننىڭ جاۋىنگەرلىك ونەر قاۋىمداستىعىنىڭ باس حاتشىسى، قر ەڭبەك سىڭىرگەن قايراتكەرى بايكەنجە بەلباەۆ، قر ۇقك الماتى وبلىسى بويىنشا دەپارتامەنتى باستىعىنىڭ مىندەتىن اتقارۋشى رۋستام يبراەۆ، دەنە شىنىقتىرۋ جانە سپورت باسقارماسىنىڭ باسشىسى نۇرباحىت تەڭىزباەۆ قاتىستى.
جارىستا ەلىمىزدىڭ 11 وڭىرىنەن 200-دەن استام سپورتشى باق سىنادى. اقتىق جەكپە-جەك شوۋ-باعدارلاما ەلەمەنتتەرىمەن جانە جارىق-دىبىس جابدىقتارىمەن ءوتتى. بۇل تۋرنير وسى جىلدىڭ جەلتوقسان ايىندا پحۋكەت ارالىندا (تايلاند كورولدىگى) وتەتىن الەم چەمپيوناتىنا ىرىكتەۋگە جولدامانى ساراپقا سالۋ ءۇشىن ۇيىمداستىرىلدى. قازاقستاندىق مۋايتاي فەدەراتسياسى سپورتشىلار مەن چەمپيونات قاتىسۋشىلارىن اقشالاي سىيلىقتارمەن ماراپاتتادى.
«ۇزدىك تەحنيكا» - ءابىل گاليەۆ، «جاس، بولاشاعى زور جاۋىنگەر» - ءاليجان قانات، «جەڭىسكە دەگەن جىگەرى ءۇشىن» - الىشەر كاكەي، ەركەبۇلان قاسەن، شىڭعىسحان ىبىراي، «ۇزدىك تورەشى» - باعىتجان مۇحامبەتاليەۆ ماراپاتتالدى.
بەيرەسمي كوماندالىق ەسەپتە 6 التىن مەدالمەن الماتى وبلىسىنىڭ كومانداسى ءبىرىنشى ورىندى يەلەندى.
ايتا كەتەيىك، شارا قازاقستان تاۋەلسىزدىگىنىڭ 30 جىلدىعىنا ورايلاستىرىلعان.
مۋايتاي بوكسى وبلىستىق دەنە شىنىقتىرۋ جانە سپورت باسقارماسىنىڭ، جاۋىنگەرلىك ونەر قاۋىمداستىعىنىڭ الماتى وبلىسى بويىنشا وڭىرلىك فيليالىنىڭ جانە قر ۇقكد قولداۋىمەن ءوتتى.
"ادىرنا" ۇلتتىق پورتالى
