Taldyqorǵanda erler men áıelder arasynda mýaıtaıdan QR Chempıonaty ótti. Is-sharaǵa QR mýaıtaı federaııasynyń vıe-prezıdenti Farhat Amanqulov, Qazaqstannyń jaýyngerlik óner qaýymdastyǵynyń Bas hatshysy, QR eńbek sińirgen qaıratkeri Baıkenje Belbaev, QR UQK Almaty oblysy boıynsha departamenti bastyǵynyń mindetin atqarýshy Rýstam Ibraev, dene shynyqtyrý jáne sport basqarmasynyń basshysy Nurbahyt Teńizbaev qatysty.
Jarysta elimizdiń 11 óńirinen 200-den astam sportshy baq synady. Aqtyq jekpe-jek shoý-baǵdarlama elementterimen jáne jaryq-dybys jabdyqtarymen ótti. Bul týrnır osy jyldyń jeltoqsan aıynda Phýket aralynda (Taıland Koroldigi) ótetin Álem Chempıonatyna irikteýge joldamany sarapqa salý úshin uıymdastyryldy. Qazaqstandyq mýaıtaı federaııasy sportshylar men chempıonat qatysýshylaryn aqshalaı syılyqtarmen marapattady.
«Úzdik tehnıka» - Ábil Galıev, «jas, bolashaǵy zor jaýynger» - Álıjan Qanat, «jeńiske degen jigeri úshin» - Álisher Kakeı, Erkebulan Qasen, Shyńǵyshan Ybyraı, «Úzdik tóreshi» - Baǵytjan Muhambetalıev marapattaldy.
Beıresmı komandalyq esepte 6 altyn medalmen Almaty oblysynyń komandasy birinshi oryndy ıelendi.
Aıta keteıik, shara Qazaqstan Táýelsizdiginiń 30 jyldyǵyna oraılastyrylǵan.
Mýaıtaı boksy oblystyq dene shynyqtyrý jáne sport basqarmasynyń, jaýyngerlik óner qaýymdastyǵynyń Almaty oblysy boıynsha óńirlik fılıalynyń jáne QR UQKD qoldaýymen ótti.
"Adyrna" ulttyq portaly
