قوعام بەلسەندىلەرى تانىمال ءانشى ديماش قۇدايبەرگەنگە «قازاقستاننىڭ ەڭبەك ەرى» اتاعىن بەرۋدى سۇراپ جاتىر، دەپ حابارلايدى "ادىرنا" ۇلتتىق پورتالى.
بۇل تۋرالى مادەنيەتتانۋشى بەرىك ءجۇسىپوۆ ءوزىنىڭ Facebook پاراقشاسىندا جازدى.
ونىڭ ايتۋىنشا، بۇل اتاققا ديماش قۇدايبەرگەن ابدەن لايىق.
- قازاقستانعا سىڭىرگەن ەرەكشە جەتىستىگى ءۇشىن بەرىلەتىن «قازاقستاننىڭ ەڭبەك ەرى» دەگەن اتاق بار. وسى التىن جۇلدىز ديماش قۇدايبەرگەننىڭ كەۋدەسىندە جارقىراۋ كەرەك. ءيا، ونى «ءالى جاس قوي» دەيتىندەر دە تابىلادى. جوق، كەشىرىڭىز، ديماش جاس ەمەس، ءتىپتى جاس بولىپ تا كورگەن ەمەس. كەرىسىنشە، ونەر ارقىلى قازاقتى دۇنيە جۇزىنە تانىتۋدىڭ جولىن تاپقان جانە سونداي ميسسيا بۇيىرعان، جەر ءجۇزىنىڭ تىڭدارماندارىنا تاڭداي قاقتىرىپ، ۇنىنە تامساندىرعان تەڭدەسى جوق قۇبىلىستى دەر كەزىندە باعالاي الماي وتىرعان ءبىزدىڭ ارەكەتىمىز - قىلمىسپەن پارا-پار، - دەيدى ول.
سونىمەن قاتار مادەنيەتتانۋشى كەڭەس وداعى قالىپتاستىرعان سانا ستەرەوتيپتەرىن كۇل-پارشا ەتەتىن ۋاقىت جەتكەنىنە توقتالدى.
- شىن مانىندە بۇل اتاققا ديماش ءزارۋ ەمەس، قايتا الگىنىڭ دارەجەسىن كوتەرە ءتۇسۋ ءۇشىن ديماش سول اتاعىڭا كەرەگىپ تۇر. قازىر الەمنىڭ قاي تۇكپىرىندە بولسىن ديماشتىڭ ەسىمى قازاق دەگەن ءسوزدىڭ ءسينونيمى ءارى سيمۆولى رەتىندە قابىلدانادى. بۇل دەگەنىڭ عاجاپ قوي، ءبىز سەكىلدى از ۇلتقا ودان ارتىق نە كەرەك، ءسىز قالاي ويلايسىز، وتانداس؟، - دەپ جازادى مادەنيەتتانۋشى.
"ادىرنا" ۇلتتىق پورتالى
