Mádenıettanýshy: Dımash Qudaıbergenge «Qazaqstannyń Eńbek Eri» degen ataq berý kerek!

2833

Qoǵam belsendileri tanymal ánshi Dımash Qudaıbergenge «Qazaqstannyń Eńbek Eri» ataǵyn berýdi surap jatyr, dep habarlaıdy "Adyrna" ulttyq portaly.

Bul týraly mádenıettanýshy Berik Júsipov óziniń Facebook paraqshasynda jazdy.

Onyń aıtýynsha, bul ataqqa Dımash Qudaıbergen ábden laıyq.

- Qazaqstanǵa sińirgen erekshe jetistigi úshin beriletin «Qazaqstannyń Eńbek Eri» degen ataq bar. Osy altyn juldyz Dımash Qudaıbergenniń keýdesinde jarqyraý kerek. Iá, ony «áli jas qoı» deıtinder de tabylady. Joq, keshirińiz, Dımash jas emes, tipti jas bolyp ta kórgen emes. Kerisinshe, óner arqyly qazaqty dúnıe júzine tanytýdyń jolyn tapqan jáne sondaı mıssııa buıyrǵan, jer júziniń tyńdarmandaryna tańdaı qaqtyryp, únine tamsandyrǵan teńdesi joq qubylysty der kezinde baǵalaı almaı otyrǵan bizdiń áreketimiz - qylmyspen para-par, - deıdi ol.

Sonymen qatar mádenıettanýshy Keńes Odaǵy qalyptastyrǵan sana stereotıpterin kúl-parsha etetin ýaqyt jetkenine toqtaldy.

- Shyn máninde bul ataqqa Dımash zárý emes, qaıta álginiń dárejesin kótere túsý úshin Dımash sol ataǵyńa keregip tur. Qazir álemniń qaı túkpirinde bolsyn Dımashtyń esimi qazaq degen sózdiń sınonımi ári sımvoly retinde qabyldanady. Bul degeniń ǵajap qoı, biz sekildi az ultqa odan artyq ne kerek, Siz qalaı oılaısyz, otandas?, - dep jazady mádenıettanýshy.

"Adyrna" ulttyq portaly

Pikirler
Redakııa tańdaýy