نۇر-سۇلتان قالاسىنىڭ اكىمى التاي كولگىنوۆ "Astana LRT" جوباسى جاقىن ارادا اياقتالاتىنىنا جانە ەلوردادا جەڭىل رەلستى ترانسپورتتى قولداناتىن كۇن جاقىن ەكەنىنە سەنىمدى. بۇل تۋرالى ول قالالىق ءماسليحات دەپۋتاتتارىنا مالىمدەدى، دەپ حابارلايدى "ادىرنا" ۇلتتىق پورتالى.
"باستى سۇراقتاردىڭ ءبىرى – قارجىلاندىرۋ ماسەلەسى. "Astana LRT" جوباسى ۇلكەن ينۆەستيتسيالاردى قاجەت ەتەدى. ارينە، ورناتىلعان بەتون تىرەۋىشتەر قالاعا ءار بەرمەيتىنى تۇسىنىكتى", - دەدى التاي كولگىنوۆ ۇزاق ۋاقىتقا سوزىلعان قۇرىلىس جايلى.
ەلوردا اكىمى سونىمەن قاتار بۇل ماسەلە جايىندا بانكتەرمەن بىرنەشە جىلدار بويى تالقىلانعانىن ايتتى.
ء"بىز بانكتەرمەن بۇل ماسەلە جونىندە بىرنەشە جىلدار بويىندا سويلەستىك. ءاربىر ەكىنشى دەڭگەيدەگى بانكتىڭ بۇل ىسپەن اينالىسۋعا قۇلقى جوق جانە مۇمكىندىگى دە جەتىسپەيدى. وسى سەبەپتى ءبىز سايكەسىنشە كونكۋرس جاريالادىق. قازىر بانكتەردىڭ ءبىرى ءوز كەلىسىمىن بەردى، الداعى ۋاقىتتا ءتيىستى كەلىسىمگە قول قويىلعاننان كەيىن حابارلايتىن بولامىز", - دەدى التاي كولگىنوۆ.
ءدال قانداي بانكتىڭ قارجىلاندىرۋعا كەلىسىم بەرىلگەنى جونىندە ازىرگە ناقتى اقپارات جوق. نۇر-سۇلتانداعى جەرۇستى مەترو قۇرىلىسىن اياقتاۋ ءۇشىن 1,5 ميلليارد دوللار قاجەت ەكەنىن ايتا كەتەيىك.
ا. كولگىنوۆتىڭ ايتۋىنشا، اكىمدىك "Astana LRT" جوباسى بويىنشا جۇمىستى تابىستى اياقتاۋدى جوسپارلاپ وتىر.
قازىرگى تاڭنىڭ وزىندە اۋەجاي ماڭىنداعى ءبىر شاقىرىمنان اساتىن جەرگە اعاش بورەنەلەر ورناتىلعان.
ەستەرىڭىزگە سالا كەتەيىك، بۇعان دەيىن اپپەلياتسيالىق سوت "Astana LRT" قۇرىلىسىنداعى اقشا جىمقىرۋ ءىسى بويىنشا ۇكىمنىڭ كۇشىن جويعان بولاتىن.
"ادىرنا" ۇلتتىق پورتالى.
