"Astana LRT" jobasy jaqyn arada aıaqtalatyn boldy

2581
Adyrna.kz Telegram

Nur-Sultan qalasynyń ákimi Altaı Kólginov "Astana LRT" jobasy jaqyn arada aıaqtalatynyna jáne elordada jeńil relsti transportty qoldanatyn kún jaqyn ekenine senimdi. Bul týraly ol qalalyq máslıhat depýtattaryna málimdedi, dep habarlaıdy "Adyrna" ulttyq portaly.

"Basty suraqtardyń biri – qarjylandyrý máselesi. "Astana LRT" jobasy úlken ınvestıııalardy qajet etedi. Árıne, ornatylǵan beton tireýishter qalaǵa ár bermeıtini túsinikti", - dedi Altaı Kólginov uzaq ýaqytqa sozylǵan qurylys jaıly.

Elorda ákimi sonymen qatar bul másele jaıynda banktermen birneshe jyldar boıy talqylanǵanyn aıtty.

"Biz banktermen bul másele jóninde birneshe jyldar boıynda sóılestik. Árbir ekinshi deńgeıdegi banktiń bul ispen aınalysýǵa qulqy joq jáne múmkindigi de jetispeıdi. Osy sebepti biz sáıkesinshe konkýrs jarııaladyq. Qazir bankterdiń biri óz kelisimin berdi, aldaǵy ýaqytta tıisti kelisimge qol qoıylǵannan keıin habarlaıtyn bolamyz", - dedi Altaı Kólginov.

Dál qandaı banktiń qarjylandyrýǵa kelisim berilgeni jóninde ázirge naqty aqparat joq. Nur-Sultandaǵy jerústi metro qurylysyn aıaqtaý úshin 1,5 mıllıard dollar qajet ekenin aıta keteıik.

A. Kólginovtiń aıtýynsha, ákimdik "Astana LRT" jobasy boıynsha jumysty tabysty aıaqtaýdy josparlap otyr.

Qazirgi tańnyń ózinde áýejaı mańyndaǵy bir shaqyrymnan asatyn jerge aǵash bóreneler ornatylǵan.

Esterińizge sala keteıik, buǵan deıin appelıaııalyq sot "Astana LRT" qurylysyndaǵy aqsha jymqyrý isi boıynsha úkimniń kúshin joıǵan bolatyn.

 

"Adyrna" ulttyq portaly.

Pikirler