قوستانايلىق ماي وڭدەۋشىلەر شيكىزاتتىڭ جەتىسپەۋشىلىگىنەن كۇنباعىس مايىنىڭ باعاسى وسەتىنىن جەتكىزدى دەپ حابارلايدى "ادىرنا" ۇلتتىق پورتالى "حابار 24" ارناسىنا سىلتەمە جاساپ.
كۇنباعىس مايىنىڭ 1 ءليترىن ءوندىرۋ ءۇشىن زاۋىتتارعا شامامەن 2,5 كەلى تۇقىم قاجەت. بۇل كولەمدى الۋ ءۇشىن وتكەن جىلى زاۋىتتار 300 تەڭگە جۇمساسا، بيىلعى جىلى ونىڭ باعاسى 700 تەڭگەگە وسكەن. زاۋىتتىڭ دايىن مايىنىڭ ءبىر ءليترى بىلتىر 350 تەڭگەدەن ساتىلسا، بيىل 550 تەڭگەگە ساتىلۋدا. دۇكەندەردە ونىڭ قۇنى وتكەن جىلى 500 تەڭگەگە، ال بيىلعى جىل 800 تەڭگەگە وزگەرگەن. جانە بۇل مامانداردىڭ ايتۋىنشا، الداعى ۋاقىتتا دا كوتەرىلۋى مۇمكىن.
شارۋالاردىڭ سوزىنشە، ءۇشىنشى جىل بويى قوستاناي وبلىسىندا كۇنباعىس ءونىمى ناشار جينالعان، سونىڭ سالدارىنان شيكىزات جەتىسپەيدى. فەدوروۆ اۋدانىندا ءۇش ءىرى مۇناي زاۋىتىنىڭ بىرەۋى ءبىر جىل بويى توقتاپ تۇرسا، قالعاندارى ازەر كۇنەلتۋدە.
قايتا وڭدەۋشىلەر قازىرگى تاڭدا كۇنباعىس مايىن وندىرۋمەن اينالىسۋ ءتيىمسىز بولىپ قالعانىن العا تارتادى. ولار بارلىعىنا تۇقىمدى شەتەل اسىرىپ جاتقان ءىرى ساۋداگەرلەردى كىنالايدى. وسىعان بايلانىستى ماي زاۋىتتارى دا ساتىپ الۋ باعاسىن وسىرۋگە ءماجبۇر، ال بۇل تيىسىنشە ءونىمنىڭ قۇنىنىڭ قىمباتتاۋىنا الىپ كەلەدى. كوپشىلىگى بۇل وندىرىستەن جاي عانا باس تارتۋدا.
"ولارعا قازىر ماي ءوندىرۋ ءتيىمسىز. جانە ولار التى اي بۇرىن ساتىپ العان شيكىزاتتى بۇگىندە جوعارى باعامەن ساتۋدا. قايتا وندىرۋشىگە مايدى وندىرۋدەن گورى ساتىپ جىبەرگەن تيىمدىرەك. قويىلعان قۇنعا جاعداي جاساۋ ءۇشىن ءبىز بۇگىن وندىرە المايمىز", - دەيدى ماي وڭدەۋ زاۋىتىنىڭ ديرەكتورى ۆلاديمير زاۆەرۋحا.
ماي وندىرۋشىلەر جاعدايدى ءالى دە جاقسارتۋعا بولاتىنىنا سەنىمدى. ول ءۇشىن وندىرۋشىلەرگە سۋبسيديانى قايتارۋ قاجەت. قوسىمشا اقى الۋ ءۇشىن فەرمەرلەر شيكىزاتتى جەرگىلىكتى ماي زاۋىتتارىنا تاپسىرۋ ارقىلى ءىرى ساۋداگەرلەردى اينالىپ وتە الادى. ناتيجەسىندە قاراپايىم ساتىپ الۋشىلارعا باعا تومەندەپ، بۇل وتاندىق وڭدەۋ جۇمىسىنا جاڭا مۇمكىندىكتەر بەرەدى.
"ادىرنا" ۇلتتىق پورتالى.
