Qostanaılyq maı óńdeýshiler shıkizattyń jetispeýshiliginen kúnbaǵys maıynyń baǵasy ósetinin jetkizdi dep habarlaıdy "Adyrna" ulttyq portaly "Habar 24" arnasyna silteme jasap.
Kúnbaǵys maıynyń 1 lıtrin óndirý úshin zaýyttarǵa shamamen 2,5 keli tuqym qajet. Bul kólemdi alý úshin ótken jyly zaýyttar 300 teńge jumsasa, bıylǵy jyly onyń baǵasy 700 teńgege ósken. Zaýyttyń daıyn maıynyń bir lıtri byltyr 350 teńgeden satylsa, bıyl 550 teńgege satylýda. Dúkenderde onyń quny ótken jyly 500 teńgege, al bıylǵy jyl 800 teńgege ózgergen. Jáne bul mamandardyń aıtýynsha, aldaǵy ýaqytta da kóterilýi múmkin.
Sharýalardyń sózinshe, úshinshi jyl boıy Qostanaı oblysynda kúnbaǵys ónimi nashar jınalǵan, sonyń saldarynan shıkizat jetispeıdi. Fedorov aýdanynda úsh iri munaı zaýytynyń bireýi bir jyl boıy toqtap tursa, qalǵandary ázer kúneltýde.
Qaıta óńdeýshiler qazirgi tańda kúnbaǵys maıyn óndirýmen aınalysý tıimsiz bolyp qalǵanyn alǵa tartady. Olar barlyǵyna tuqymdy shetel asyryp jatqan iri saýdagerlerdi kinálaıdy. Osyǵan baılanysty maı zaýyttary da satyp alý baǵasyn ósirýge májbúr, al bul tıisinshe ónimniń qunynyń qymbattaýyna alyp keledi. Kópshiligi bul óndiristen jaı ǵana bas tartýda.
"Olarǵa qazir maı óndirý tıimsiz. Jáne olar alty aı buryn satyp alǵan shıkizatty búginde joǵary baǵamen satýda. Qaıta óndirýshige maıdy óndirýden góri satyp jibergen tıimdirek. Qoıylǵan qunǵa jaǵdaı jasaý úshin biz búgin óndire almaımyz", - deıdi maı óńdeý zaýytynyń dırektory Vladımır Zaverýha.
Maı óndirýshiler jaǵdaıdy áli de jaqsartýǵa bolatynyna senimdi. Ol úshin óndirýshilerge sýbsıdııany qaıtarý qajet. Qosymsha aqy alý úshin fermerler shıkizatty jergilikti maı zaýyttaryna tapsyrý arqyly iri saýdagerlerdi aınalyp óte alady. Nátıjesinde qarapaıym satyp alýshylarǵa baǵa tómendep, bul otandyq óńdeý jumysyna jańa múmkindikter beredi.
"Adyrna" ulttyq portaly.
