تۇركىمەنستاندا رەسمي COVID-19 جوق. الايدا بەيرەسمي تۇركىمەنستان حالقى كوروناۆيرۋستان ورتالىق ازيا ەلدەرىنىڭ ىشىندە ەڭ اۋقىمدى دەڭگەيدە زارداپ شەگۋشى مەملەكەت سانالادى.
ازاتلىق تۇركىمەنستان بيلىگى مويىنداماسا دا، بەيرەسمي ءولىم سانىن ەسەپتەپ شىقتى. اقپارات پورتالىنىڭ حابارلاۋىنشا پاندەميا باستالعالى بەرى تۇركىمەنستاندا كوروناۆيرۋستان كەمى 25 مىڭنان استام ادام قايتىس بولعان. ال ناقتى اقپاراتتار شىقسا ءولىم سانى 150 مىڭنان اسۋى دا مۇمكىن دەگەن بولجامدار ايتىلۋدا.
"كوروناۆيرۋستان قايتىس بولعاندار تۋرالى مالىمەتتەر جاريالانباعانىمەن، ۆەلاياتتار كۇن سايىن دەنساۋلىق ساقتاۋ مينيسترلىگىنە ەسەپ جىبەرەدى. قاۋىپسىزدىك قىزمەتىنەن مينيسترلىككە بەكىتىلگەن كۋراتورلار ۆەلاياتتاردىڭ ەسەپتەرىن جينايدى جانە جاعدايعا بايلانىستى پروتسەستى جالپى باقىلاۋدى جۇزەگە اسىرادى", - دەيدى ازاتلىق تىلشىلەرى.
ءولىمنىڭ كوبى كوروناۆيرۋستىڭ نەگىزگى وشاقتارى سانالاتىن لەباپ پەن مەري ۆەلاياتتاردا تىركەلگەن. ازاتلىق بۇعان دەيىن بۇكىل ەل بويىنشا، اسىرەسە سوڭعى بىرنەشە ايدا دەلتا نۇسقاسى تەز تارالاتىن تۇركىمەنستاننىڭ وڭتۇستىك جانە شىعىس ايماقتارىندا كوروناۆيرۋس وقيعالارىنىڭ كۇرت وسكەنى تۋرالى حابارلاعان بولاتىن. كەي ايماقتاردا ءتىپتى زيراتتا ورىن جوق ەكەنى دە ايتىلعان ەدى.
وتكەن اپتادا تۇركىمەنستان پرەزيدەنتى گۋربانگۋلى بەردىمۇحامەدوۆ اشحابادتا ددسۇ ەۋروپا بويىنشا ايماقتىق ديرەكتورى حانس كلۋگەمەن كەزدەسۋىندە ءوز ەلىندە كوروناۆيرۋستىڭ مۇلدە جوق ەكەنىن تاعى دا ايتقان بولاتىن.
"ادىرنا" ۇلتتىق پورتالى
