Túrkimenstanda resmı COVID-19 joq. Alaıda beıresmı Túrkimenstan halqy koronavırýstan Ortalyq Azııa elderiniń ishinde eń aýqymdy deńgeıde zardap shegýshi memleket sanalady.
Azatlyq Túrkimenstan bıligi moıyndamasa da, beıresmı ólim sanyn eseptep shyqty. Aqparat portalynyń habarlaýynsha pandemııa bastalǵaly beri Túrkimenstanda koronavırýstan kemi 25 myńnan astam adam qaıtys bolǵan. Al naqty aqparattar shyqsa ólim sany 150 myńnan asýy da múmkin degen boljamdar aıtylýda.
"Koronavırýstan qaıtys bolǵandar týraly málimetter jarııalanbaǵanymen, velaıattar kún saıyn Densaýlyq saqtaý mınıstrligine esep jiberedi. Qaýipsizdik qyzmetinen mınıstrlikke bekitilgen kýratorlar velaıattardyń esepterin jınaıdy jáne jaǵdaıǵa baılanysty proesti jalpy baqylaýdy júzege asyrady", - deıdi Azatlyq tilshileri.
Ólimniń kóbi koronavırýstyń negizgi oshaqtary sanalatyn Lebap pen Merı velaıattarda tirkelgen. Azatlyq buǵan deıin búkil el boıynsha, ásirese sońǵy birneshe aıda delta nusqasy tez taralatyn Túrkimenstannyń ońtústik jáne shyǵys aımaqtarynda koronavırýs oqıǵalarynyń kúrt óskeni týraly habarlaǵan bolatyn. Keı aımaqtarda tipti zıratta oryn joq ekeni de aıtylǵan edi.
Ótken aptada Túrkimenstan prezıdenti Gýrbangýly Berdimuhamedov Ashhabadta DDSU Eýropa boıynsha aımaqtyq dırektory Hans Klýgemen kezdesýinde óz elinde koronavırýstyń múlde joq ekenin taǵy da aıtqan bolatyn.
"Adyrna" ulttyq portaly
