دايش لاڭكەستىك توبى (قازاقستاندا تىيىم سالىنعان) اۋعانستاننىڭ قانداعار قالاسىنداعى شيتتەر مەشىتىندەگى جارىلىس ءۇشىن جاۋاپكەرشىلىكتى ءوز موينىنا الدى دەپ حابارلايدى France-Presse ۇيىمى.
جارىلىس 15 قازان كۇنى تۇستەن كەيىن اۋعانستاننىڭ قانداعار پروۆينتسياسىنداعى شيتتەر مەشىتىندە بولدى. جارىلىستى ءۇش جانكەشتى ۇيىمداستىرعان. ەكى لاڭكەس جۇما نامازىنا كەلگەندەرگە وق جاۋدىرسا، ءبىر جانكەشتى ءوزىن مەشىت ىشىنە كىرىپ، جارىپ جىبەرگەن. تەررورلىق ارەكەت سالدارىنان كەم دەگەندە 41 ادام قايتىس بولدى.
ءبىر اپتا بۇرىن دايش سودىرلارى شيتتەر مەشىتىنە جۇما نامازدا جارىلىس جاساپ، 150 ادام قازا تاپقان ەدى.
"ادىرنا" ۇلتتىق پورتالى
