ДАИШ лаңкестік тобы (Қазақстанда тыйым салынған) Ауғанстанның Қандағар қаласындағы шииттер мешітіндегі жарылыс үшін жауапкершілікті өз мойнына алды деп хабарлайды France-Presse ұйымы.
Жарылыс 15 қазан күні түстен кейін Ауғанстанның Қандағар провинциясындағы шииттер мешітінде болды. Жарылысты үш жанкешті ұйымдастырған. Екі лаңкес жұма намазына келгендерге оқ жаудырса, бір жанкешті өзін мешіт ішіне кіріп, жарып жіберген. Террорлық әрекет салдарынан кем дегенде 41 адам қайтыс болды.
Бір апта бұрын ДАИШ содырлары шииттер мешітіне жұма намазда жарылыс жасап, 150 адам қаза тапқан еді.
"Адырна" ұлттық порталы
