الەۋمەتتىك جەلىلەر مەن مەسسەندجەرلەردە ۇلتتىق بانكتىڭ قويماسىنداعى 2 تريلليون تەڭگە كولەمىندەگى قاراجاتتىڭ جوعالعانى تۋرالى اقپارات تارادى، دەپ حابارلايدى “ادىرنا” ۇلتتىق پورتالى StopFake باسىلىمىنا سىلتەمە جاساپ.
قازاقستان رەسپۋبليكاسى ۇلتتىق بانكىنىڭ باس قويماسىندا 2 تريلليون تەڭگە مولشەرىندەگى ۇلتتىق ۆاليۋتا كۋپيۋرالارىنىڭ جاڭا شىعارىلىمى جوعالىپ كەتكەنى، ونى جاندىكتەر جەپ قويعانى تۋرالى جازىلعان.
بۇل پوست جەلىدەگى ساتيرالىق اككاۋنتىندا جاريالاندى. وندا ويدان شىعارىلعان جاڭالىقتار مەن شىنايى ەمەس حابارلامالار جاريالانادى.
بۇل تۋرالى پاراقشانىڭ پروفيلىندە: "ساتيرالىق كونتەنت. فەيك-نيۋس" دەپ جازىلعان.
جەلى قولدانۋشىلارى ساتيرالىق پاراقشاداعى جاريالانىمداردى بۇعان دەيىن دە شىنايى اقپارات رەتىندە ۇسىنعان.
“ادىرنا” ۇلتتىق پورتالى
