12 äqazanda saǧat 13: 31 -de qala tūrǧyny Atyrau polisiiasyna habarlasyp, belgısız bıreu onyŋ Kia Sportage kölıgınıŋ terezesın syndyryp, kölıkten 2 million teŋgenı ūrlap ketkenın aitty, dep habarlaidy "Adyrna" ūlttyq portaly.
Polisiia qyzmetkerlerı beinebaqylau kameralaryndaǧy jazbalardy zerttei kele, VAZ-2114 markaly avtokölıktıŋ zardap şeguşınıŋ kölıgınıŋ artynan ūzaq jürgenın baiqady.
Küdıktı kölık İnder audany Jarsuat auylynan 132 şaqyrym jerde toqtatyldy. Maşinany, jürgızuşını jäne ekı jolauşyny tekseru kezınde oralǧan küide 2 million teŋge tärkılendı.
"40, 44 jäne 47 jastaǧy er adamdar Oral, Aqtöbe jäne Şymkent tūrǧyndary ekenı anyqtaldy. Atalǧan faktı boiynşa QR Qylmystyq kodeksınıŋ 88 -babynyŋ 3-bölıgı «Ūrlyq» boiynşa qylmystyq ıs tırkeldı. Küdıktıler uaqytşa ūstau izoliatoryna qamaldy. Qazırgı uaqytta būl azamattardyŋ basqa qylmystarǧa qatystylyǧy anyqtaluda", dedı Qazaqstan Respublikasy Işkı ıster ministrlıgınıŋ baspasöz qyzmetı.https://youtu.be/Aha6wdcliro
Ūqsas jaŋalyqtar
