الاياق قىز 3 ميلليون تەڭگەگە اقتوبەلىك ەكونوميستى الداپ كەتتى، دەپ حابارلايدى "ادىرنا" ءتىلشىسى.
پوليتسيانىڭ مالىمەتىنشە، 2020 جىلدىڭ تامىزىندا نۇر-سۇلتان قالاسىنىڭ 27 جاستاعى تۇرعىنى بيزنەستەن ۇلەس قوسامىن دەگەن جەلەۋمەن اقتوبەلىك مۇناي كومپانيالارىنىڭ ءبىرىنىڭ ەكونوميسىنە تيەسىلى 3 ميلليون تەڭگەنى يەمدەنىپ العان.
سونىمەن قاتار، تاعى ءبىر ءىس انىقتالدى. 43 جاستاعى ايەل پوليتسەيلەرگە جۇگىنىپ، مامىر ايىنىڭ سوڭىندا تانىسى ونى الداپ كەتكەنىن ايتتى: قۇرىلىس ماتەريالدارىن جەتكىزۋگە ۋادە ەتىپ، 3 ميلليون تەڭگە كولەمىندەگى قارجىنى جىمقىرعان. الايدا، جابىرلەنۋشى سول كۇيى قۇرىلىس ماتەريالدارى مەن اقشاسىن الماعان.
وسى فاكتىلەر بويىنشا، باپقا سايكەس سوتقا دەيىنگى تەرگەۋ جۇرگىزىلۋدە. قازاقستان رەسپۋبليكاسىنىڭ قىلمىستىق كودەكسىنىڭ 190 -بابى «الاياقتىق».
"ازاماتتاردىڭ كوپشىلىگى پايدا تابۋدى كوزدەپ، قاراپايىم قاۋىپسىزدىك شارالارىن ۇمىتادى. مۇنداي جاعدايلاردا ازاماتتار وتە مۇقيات بولۋى كەرەك، نوتاريالدى كۋالاندىرۋسىز قاراجاتقا سەنبەۋ كەرەك", - دەدى اقتوبە وبلىسى پد باسشىسى اتىعاي ارىستانوۆ.
"ادىرنا" ۇلتتىق پورتالى
