ءانشى ماقپال ءجۇنىسوۆا 15 جىل ۋاقىت ىشىندە ەشكىم تۇرمىسقا شىق دەپ ۇسىنىس جاساماعانىن اشىپ ايتتى. اناسى دا ەكىنشى رەت كۇيەۋگە شىعۋعا قارسىلىعىن بىلدىرگەن، دەپ حابارلايدى “ادىرنا” ۇلتتىق پورتالى.
«زاكەڭنىڭ قايتقانىنا 15 جىل بولدى. ول ماعان ءالى ءتىرى سەكىلدى. ارحيۆ بار، سۋرەتتەر بار. ءالى ءتىرى جۇرگەن سەكىلدى. قىزىمدى كۇيەۋگە بەرسەم، سوڭىنان ءوزىم دە ۇزاتىلامىن دەپ ازىلدەيمىن. بىراق قازىر ماعان كىم قارايدى؟ جاسىم 56-دا. زاكەڭ قايتقاندا 41 جاستا ەدىم. 42-گە قاراعان شاعىم. سودان بەرى ەشبىر ازامات كەلىپ: «مەن ساعان عاشىقپىن. ماعان تۇرمىسقا شىق. ءجۇر مەنىمەن» دەگەن ەمەس. ەشكىم ونداي باتىرلىق جاساعان جوق», – دەدى ءانشى.
اناسى دا قاتاڭ تىيىم سالعان.
«انام دا ايتتى: «مەن ءتىرى تۇرعاندا كۇيەۋگە تيمەيسىڭ. ءبىز دە جەسىر قالدىق. ولگەن جوقپىز. بالالاردى جەتكىزۋدى ويلادىق. سەن دە قىزىڭدى ويلا” دەدى. انام 47 جاسىندا اكەمنەن ايىرىلعان. سولاي تۇرمىس قۇرمادى. مەن دە بۇل تاقىرىپقا نۇكتە قويعانمىن»، – دەدى حالىق ءانشىسى «مەنىڭ ءومىرىم» باعدارلاماسىندا.
مارقۇم كۇيەۋى زامانبەك نۇرقادىلوۆتەن كەيىن ەشقانداي ادامدى ءوزىنىڭ ادامى رەتىندە كورمەگەنىن ايتادى.
«زاكەڭمەن سالىستىرىپ تۇرامىن. ماعان ودان ارتىق ازامات جوق. كۇيەۋگە تيسەم دە، ول ماعان ۇناماي تۇرار. سەبەبى، سالىستىرۋ بولادى. تاعى اجىراسىپ جاتساڭ، جاقسى اتاق ەمەس. سوندىقتان قازىر مەن نەمەرە باعاتىن ۋاقىتتامىن. ماعان سودان اسقان باقىت جوق»، – دەدى ماقپال ءجۇنىسوۆا.
“ادىرنا” ۇلتتىق پورتالى
