الماتىدان انكاراعا اسا قۋانىشتى حابار جەتتى. الماتى شاھارىنىڭ اكىمى باقىتجان ءابدىرۇلى ساعىنتاەۆ ۇلت ۇستازى، قازاق حالقىنىڭ رۋحاني كوسەمى احمەت بايتۇرسىنۇلى اكەمىزدىڭ مۋزەي-ءۇيىن مەملەكەت بالانسىنا الىپ، قالالىق مۋزەيگە اينالدىرۋ تۋرالى قاۋلى شىعارىپتى. بۇدان اسقان قۋانىشتى حابار بار ما ەدى! بارەكەلدى! بۇل ناعىز ەردىڭ ىستەيتىن ءىسى ەدى! اكىمنىڭ بۇل شەشىمى كۇللى الاش بالاسىن قۋانتقانى ءسوزسىز.
2022 جىلى ۇلت ۇستازىنىڭ 150 جىلدىق مەرەيتويى. بۇل احمەتتەي دەگداردىڭ تورقالى تويىنا جاسالعان زور تارتۋ دەپ سانايمىن. الاششىل جۇرت بۇل كۇندى، وسى قاۋلىنى 28 جىل (باقانداي 28 جىل!) سارىلىپ كۇتتى عوي. الماتىنى باسقارعان تالاي “مەن” دەگەن اكىم كۇتتىرگەن ەدى! سول اكىمدەردەن بۇگىنگى باقىتجان ءابدىرۇلىنىڭ ءباسى دە، باعى دا ارتىق ەكەن! وسى رەتتە، شىن جۇرەكتەن باقىتجانداي ۇلتتىق رۋحى بيىك ازاماتقا ءتاڭىر جارىلقاسىن دەگىم كەلەدى!
احمەت بايتۇرسىنۇلىنىڭ ەسىمى تۋعان حالقىمەن بىرگە ماڭگى جاساي بەرسىن!
"ادىرنا" ۇلتتىق پورتالى.
