Almatydan Ankaraǧa asa quanyşty habar jettı. Almaty şaharynyŋ äkımı Baqytjan Äbdırūly Saǧyntaev ūlt ūstazy, qazaq halqynyŋ ruhani kösemı Ahmet Baitūrsynūly äkemızdıŋ muzei-üiın memleket balansyna alyp, qalalyq muzeige ainaldyru turaly Qauly şyǧarypty. Būdan asqan quanyşty habar bar ma edı! Bärekeldı! Būl naǧyz erdıŋ ısteitın ısı edı! Äkımnıŋ būl şeşımı küllı Alaş balasyn quantqany sözsız.
2022 jyly ūlt ūstazynyŋ 150 jyldyq mereitoiy. Būl Ahmettei degdardyŋ torqaly toiyna jasalǧan zor tartu dep sanaimyn. Alaşşyl jūrt būl kündı, osy Qaulyny 28 jyl (baqandai 28 jyl!) sarylyp küttı ǧoi. Almatyny basqarǧan talai “men” degen äkım küttırgen edı! Sol äkımderden bügıngı Baqytjan Äbdırūlynyŋ bäsı de, baǧy da artyq eken! Osy rette, şyn jürekten Baqytjandai ūlttyq ruhy biık azamatqa Täŋır jarylqasyn degım keledı!
Ahmet Baitūrsynūlynyŋ esımı tuǧan halqymen bırge mäŋgı jasai bersın!
"Adyrna" ūlttyq portaly.
Ūqsas jaŋalyqtar
