Almatydan Ankaraǵa asa qýanyshty habar jetti. Almaty shaharynyń ákimi Baqytjan Ábdiruly Saǵyntaev ult ustazy, qazaq halqynyń rýhanı kósemi Ahmet Baıtursynuly ákemizdiń mýzeı-úıin memleket balansyna alyp, qalalyq mýzeıge aınaldyrý týraly Qaýly shyǵarypty. Budan asqan qýanyshty habar bar ma edi! Bárekeldi! Bul naǵyz erdiń isteıtin isi edi! Ákimniń bul sheshimi kúlli Alash balasyn qýantqany sózsiz.
2022 jyly ult ustazynyń 150 jyldyq mereıtoıy. Bul Ahmetteı degdardyń torqaly toıyna jasalǵan zor tartý dep sanaımyn. Alashshyl jurt bul kúndi, osy Qaýlyny 28 jyl (baqandaı 28 jyl!) sarylyp kútti ǵoı. Almatyny basqarǵan talaı “men” degen ákim kúttirgen edi! Sol ákimderden búgingi Baqytjan Ábdirulynyń bási de, baǵy da artyq eken! Osy rette, shyn júrekten Baqytjandaı ulttyq rýhy bıik azamatqa Táńir jarylqasyn degim keledi!
Ahmet Baıtursynulynyń esimi týǵan halqymen birge máńgi jasaı bersin!
"Adyrna" ulttyq portaly.
