شىمكەنتتە قالالىق ورتالىقتاندىرىلعان كوپشىلىك كىتاپحانالار جۇيەسىنىڭ ۇيىمداستىرۋىمەن «تاۋەلسىزدىك قۇرداستارى» اتتى جاس سۋرەتشىلەر كورمەسى اشىلدى. كەسكىندەمە ونەرىندەگى كەلىستى تۋىندىلار توپتاستىرىلعان شارا تاۋەلسىزدىكتىڭ 30 جىلدىق
مەرەيتويىنا وراي ۇيىمداستىرىلىپ وتىر.
كورمەگە س. ابدۋرايموۆا، ا. بۇحارباەۆا، ا. تاسبولاتوۆا، ج. ابداليموۆا سىندى جاس قىلقالام شەبەرلەرىنىڭ تۋىندىلارى قويىلعان. جالپى، 30-عا جۋىق كارتينا ۇسىنىلعان.
كەشتىڭ اشىلۋىندا ءسوز العان كىتاپحانا ديرەكتورى نۇريلا جۇمانوۆا اتالعان كورمە جاس سۋرەتشىلەردىڭ تۋىندىرالىن تانىتۋعا سەپتىگىن تيگىزەتىنىن جەتكىزدى. سونداي-اق، جاس قىلقالام شەبەرلەرىنىڭ جاڭا شىعارمالاردى دۇنيەگە اكەلۋگە ىنتالاندىراتىنىن تىلگە تيەك ەتتى.
ايتا كەتەيىك، قالا تۇرعىندارى مەن قوناقتارى جاس سۋرەتشىلەردىڭ تۋىندىلارىن 31 قازانعا دەيىن «اباي » اتىنداعى ورتالىق كىتاپحانادان تاماشالاي الادى.
