"ادىرنا" ۇلتتىق پورتالىنىڭ پوشتاسىنا قمدب تاراپىنان ءۇش بەتتىك حات كەلىپ ءتۇستى. حاتتىڭ ءمانى مەن ماعىناسى زاڭ تارماقتارىنا سۇيەنە وتىرىپ، ەسكەرتپە جاساۋ ەكەن. داۋدىڭ باسى "دەموس" قب توراعاسى تۇراربەك قۇسايىنوۆتىڭ "ادىرنا" پورتالىنا شىققان ءۇش ماقالاسىنا قاتىستى بولىپ وتىر. قمدب تاراپىنان كەلىپ تۇسكەن حات ءمانىسى تومەندەگىدەي.
حات مانىنە ورالاتىن بولساق، باق-تا جازىلعان ءدىني ماقالالاردى قمدب تاراپىنا جىبەرىپ، ارتىنشا تەكسەرىس ارقىلى شىعارۋ لازىم دەگەن مەسسەدجدى اڭعارۋ قيىن ەمەس. سوندا ءسوز بوستاندىعى، اقپارات الۋاندىعى مەن پليۋراليزم قاعيداتتارىن قمدب جوققا شىعارا ما؟ بۇل ازاماتتاردىڭ ەركىندىگىن شەكتەۋدىڭ ءبىر فورماسى ەكەنىن ايتپاسا دا تۇسىنىكتى. ونىڭ ۇستىنە قمدب اتالمىش ماقالالارعا رەسمي جاۋاپ بەرىپ، ول جاۋاپتى "ادىرنا" سايتىنا شىعارعانىن نەگە حاتتا كورسەتپەگەن؟ ءسوزىمىز دالەلدى بولۋ ءۇشىن تۇراربەك قۇسايىنوۆتىڭ ماقالالارىنا قمدب شىعارعان جاۋاپ ماقالاسىنىڭ سكرينىن سالۋدى ءجون كوردىك.
"ادىرنا" ۇلتتىق پورتالى قانداي دا ءبىر ءدىني، ۇلتتىق، ناسىلدىك كوزقاراستى جاقتاۋشى ياكي وعان قارسى پوزيتسيا ۇستانۋشى پورتال ەمەس. اقپارات پەن الۋان پىكىر الاڭى. كەز كەلگەن ماسەلە بويىنشا ازاماتتاردىڭ ويى مەن پىكىرىن بىلدىرۋگە قۇقىعى بار. ونى كونستيتۋتسيا ناقتى بەلگىلەپ بەرگەن. پىكىر الۋاندىعىنا قارسى كەلۋ، پرەزيدەنتىمىز قاسىم-جومارت كەمەلۇلى ىسكە اسىرىپ جاتقان ساياسي رەفورمالارعا قارسى ۇستانىم. "ادىرنا" ۇلتتىق پورتالى تاراپتاردىڭ ءبىرىن ەستىپ، ەكىنشىسىنە ەسىگىن تارس جاپپايدى. وعان جوعارىداعى تۇراربەك قۇسايىنوۆتىڭ ماقالاسى مەن قمدب تاراپىنان كەلىپ تۇسكەن جاۋاپ ماقالا ناقتى دالەل.
ەسكەرتپە حاتتىڭ تەك قانا "ادىرنا" ۇلتتىق پورتالىنە ەمەس، Nege.kz, Serke.org, Kznews.kz, Exk.kz جانە باسقا دا سايتتارعا جىبەرىلگەنى بەلگىلى بولدى. بۇل باق وكىلدەرىنىڭ جۇمىسىنا كەدەرگى كەلتىرۋ جانە تسەنزۋرانى ەنگىزۋگە تىرىسۋ دەپ تۇسىنەمىز.
"ادىرنا" ۇلتتىق پورتالى
