ۇلتتىق بانك دوللاردى ۇستاپ تۇرۋ ءۇشىن 13 كۇن ىشىندە 1 ملرد دوللار شىعىندادى. بۇل تۋرالى استانادا ءوتىپ جاتقان ءباسپاسوز ءماسليحاتىندا ۇلتتىق بانك توراعاسى تيمۋر سۇلەيمەنوۆ ءمالىم ەتتى، دەپ حابارلايدى ”ادىرنا” ۇلتتىق پورتالى Ulysmedia.kz سايتىنا سىلتەپ.
تيمۋر سۇلەيمەنوۆتەن جۋرناليستەردىڭ “ۇلتتىق بانك قانشا اقشا جۇمسادى؟” دەگەن سۇراعىنا 13 كۇن ىشىندە 1 ملرد دوللار كەتكەنىن ايتتى.
“جەكە تۇلعالعارعا بۇل قاتتى اسەر ەتپەدى. بارلىق فيليالدارىن اقپارات جينادىق. ارتىق سۇرانىس جوق. تەك زاڭدى تۇلعالار. قازاقتان قور بيرجاسىنداعى زاڭدى تۇلعالار وسى سۇرانىستى قۇراپ وتىر. ءبىز تۇتىنۋشىلار رەتىندە سابىرلىمىز. ەڭ كوپ سۇرانىس 2 كۇندە بولدى”، – دەدى ول.
28 قاراشاداعى قازاقستاننىڭ ايىرباستاۋ پۋنكتتەرىندە ۆاليۋتالاردىڭ ورتاشا ولشەنگەن باعامى بەلگىلى بولدى. دوللار 525 تەڭگەگە ساتىلا باستادى. 18 قاراشادا قازاقستاننىڭ ايىرباستاۋشىلارىنداعى دوللار باعاسى 500 تەڭگەدەن، ال 26 قاراشادا 503 تەڭگەدەن اسقان ەدى.
