قازاقستاننىڭ ۇلتتىق بانكى رەسەيلىك بانكتەردىڭ «ەنشىلەس كومپانيالارىنا» كومەك كورسەتەدى، دەپ حابارلايدى "ادىرنا" ۇلتتىق پورتالى. بۇل تۋرالى ۇلتتىق بانك توراعاسى عالىمجان ءپىرماتوۆ باياندادى.
«ۇلتتىق بانك بانكتەرگە كليەنتتەرگە قىزمەت كورسەتۋدى قولداۋعا باعىتتالعان كومەك كورسەتەدى. رەسەيلىك بانكتەردىڭ ەنشىلەس بانكتەرىنە قولما-قول تەڭگە تۇراقتى رەجيمدە شەكتەۋسىز بەرىلەدى»، - دەدى ءپىرماتوۆ سەيسەنبى كۇنى ۇكىمەت وتىرىسىندا.
ونىڭ ايتۋىنشا، رەسەيلىك بانكتەر مەن ولاردىڭ قازاقستانداعى ەنشىلەس ۇيىمدارىنا قارسى سانكتسيالاردىڭ كەڭەيۋى بۇل بانكتەردىڭ جۇمىسىنا، اتاپ ايتقاندا، دوللارمەن، ەۋروداعى اۋدارىمدار مەن كارتوچكالىق وپەراتسيالارعا اسەر ەتتى، ويتكەنى Visa جانە Mastercard حالىقارالىق تولەم جۇيەلەرى ولاردىڭ كارتالارى بويىنشا وپەراتسيالاردى شەكتەدى.
«بۇل بانكتەرگە سالىنعان سانكتسيالار مەن شەكتەۋلەر قازاقستاندىق بانكتەردىڭ قىزمەتىنە قاتىسى جوق جانە ولارعا اسەر ەتپەيدى»، - دەدى ءپىرماتوۆ.
"ادىرنا" ۇلتتىق پورتالى
