17 جاستاعى قىز وگەي اكەسى ءتورت جىل بويى ازعىندىق ارەكەت جاساعانىن مالىمدەدى. بەلگىلى بولعانداي ەر كامەلەتكە تولماعان قىزدى 13 جاسىنان باستاپ زورلاپ كەلگەن، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.
4 جىل بويى قىز اناسىنا بولعان وقيعالار تۋرالى ايتىپ كەلگەن. سونىمەن قاتار ول پسيحولوگتار مەن مەكتەپتەگى، سودان كەيىن كوللەدجدەگى مۇعالىمدەردەن كومەك سۇراعان.
بىراق وعان سەنبەپتى، "قيالدان" باس تارتۋدى تالاپ ەتكەن، ءتىپتى ءوزىن-ءوزى ولتىرۋگە ارەكەت جاساعانى ءۇشىن پسيحياتريالىق اۋرۋحاناعا جاتقىزىپ قويعان. قىز كەزەكتى رەت زورلىق-زومبىلىق تۋرالى حابارلاعان كەزدە، اناسى مەن وگەي اكەسى كوللەدجگە شاقىرىلعان. سول كەزدە جابىرلەنۋشى زورلىقتى راستايتىن اۋديوجازبانى قوسقان.
"ولاردىڭ بارلىعى ەسەڭگىرەپ قالدى. وگەي اكەمنەن "بۇل سەنىڭ داۋىسىڭ با؟" دەپ سۇرادى. ول ء"يا" دەپ مويىندادى. ماس بولعانىن ايتتى. سودان كەيىن ونى پوليتسياعا جەتكىزدى، ۇيگە قايتىپ كەلمەدى", – دەپ اتاپ ءوتتى بويجەتكەن.
پوليتسيانىڭ حابارلاۋىنشا، 52 جاستاعى كۇدىكتى وتكەن جۇمادا ۇستالعان. ساراپتاما تاعايىندالىپ، تەرگەۋ جۇرگىزىلىپ جاتىر.
”ادىرنا” ۇلتتىق پورتالى
