17 jastaǧy qyz ögei äkesı tört jyl boiy azǧyndyq äreket jasaǧanyn mälımdedı. Belgılı bolǧandai er kämeletke tolmaǧan qyzdy 13 jasynan bastap zorlap kelgen, dep habarlaidy “Adyrna” ūlttyq portaly Stan.kz saityna sılteme jasap.
4 jyl boiy qyz anasyna bolǧan oqiǧalar turaly aityp kelgen. Sonymen qatar ol psihologtar men mekteptegı, sodan keiın kolledjdegı mūǧalımderden kömek sūraǧan.
Bıraq oǧan senbeptı, "qiialdan" bas tartudy talap etken, tıptı özın-özı öltıruge äreket jasaǧany üşın psihiatriialyq auruhanaǧa jatqyzyp qoiǧan. Qyz kezektı ret zorlyq-zombylyq turaly habarlaǧan kezde, anasy men ögei äkesı kolledjge şaqyrylǧan. Sol kezde jäbırlenuşı zorlyqty rastaityn audiojazbany qosqan.
Qyzdyŋ sözınşe, anasy jūmystan kelgenşe ögei äkesı bılgenın jasaǧan. Ol qarsylyq tanytuǧaa tyrysqanymen, būl äreketterınıŋ eşqandai paidasy bolmaǧanyn aitady.
"Olardyŋ barlyǧy eseŋgırep qaldy. Ögei äkemnen "būl senıŋ dauysyŋ ba?" dep sūrady. Ol "iä" dep moiyndady. Mas bolǧanyn aitty. Sodan keiın ony polisiiaǧa jetkızdı, üige qaityp kelmedı", – dep atap öttı boijetken.Polisiianyŋ habarlauynşa, 52 jastaǧy küdıktı ötken jūmada ūstalǧan. Saraptama taǧaiyndalyp, tergeu jürgızılıp jatyr.
”Adyrna” ūlttyq portaly
Ūqsas jaŋalyqtar
