الماتى وبلىسى بويىنشا “سانالى ۇرپاق” كلۋبتارىنىڭ سلەتى وتكىزىلۋدە

2317
Adyrna.kz Telegram

جىلدىڭ باسىنان ادالدىق جانە پاراساتتىلىقتى تۋ ەتكەن «سانالى ۇرپاق» كلۋبتارى وبلىس بويىنشا سىبايلاس جەمقورلىققا قارسى باعىتتا 500-دەن استام ءتۇرلى فورماتتاعى ءىس-شارالار وتكىزىپ، 15 الەۋمەتتىك زەرتتەۋ جانە ونلاين ساۋالناما جۇرگىزدى، دەپ حابارلايدى “ادىرنا” ۇلتتىق پورتالى.

 جالپى، بۇل كلۋبتار ءوز جۇمىسىن 2016 جىلدان باستاپ، قازىرگى تاڭدا ايتارلىقتاي ناتيجەلەرگە قول جەتكىزدى.

جىل سايىن، ءبىرىنشى كەزەكتە اۋداندىق جانە قالالىق ىرىكتەۋ، ەكىنشى كەزەڭدە وبلىستىق سلەتكا 1 مىڭنان استام ستۋدەنتتەر قاتىسىپ، جەمقورلىقسىز بولاشاققا ءوز ۇلەستەرىن قوسۋدا.

اتقارىلعان جۇمىستاردىڭ قورىتىندىسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى جانە وبلىستىق ءبىلىم باسقارماسىنىڭ ۇيىمداستىرۋىمەن 27 قازان كۇنى الماتى وبلىسىنىڭ «سانالى ۇرپاق» كلۋبتارىنىڭ سلەتىندا باعالانىپ، ەڭ ۇزدىك كلۋبتار نوميناتسيلار بويىنشا باعالى سىيلىقتار جانە ماداقتاۋ قاعازدارىمەن ماراپاتتالادى.

سىبايلاس جەمقورلىقپەن كۇرەسۋ قازاقستاننىڭ بۇگىنگى كۇنگى كۇردەلى ماسەلەسى بولىپ وتىر. ۇلكەن الەۋمەتتىك قاسىرەت بولىپ تابىلاتىن ول ساياسي دامۋ تۇرعىسىنان ءبىر-بىرىنە ۇقسامايتىن  الەمدەگى بارلىق ەلدەردىڭ قاي-قايسىسىن  دا  قاتتى  الاڭداتاتىنى  انىق. جاستار اراسىندا جەمقورلىققا قارسى سانا قالىپتاستىرۋ، قۇقىقتىق مادەنيەتتى دامىتۋ، سونداي-اق  ەلدىڭ الەۋمەتتىك حال-احۋالىن جاقسارتىپ، ەكونوميكالىق دامۋىنجوعارعى دەڭگەيگە كوتەرۋ ءۇشىن سىبايلاس جەمقورلىقپەن كۇرەستى كۇشەيتۋ - ارقايسىمىزدىڭ ازاماتتىق بورىشىمىز ەكەندىگىن ءتۇسىنۋ قاجەت.

”ادىرنا” ۇلتتىق پورتالى

پىكىرلەر