قازاقستاندا تەلەديدار مەن راديو ۋاقىتشا توقتاتىلادى، سەبەبى تەلەراديو حابارلارىن تاراتۋ جەلىلەرىندە جوسپارلى-پروفيلاكتيكالىق جۇمىستار جۇرگىزىلەدى دەپ حابارلايدى "ادىرنا" ۇلتتىق پورتالى "قازتەلەراديو كونتاكتىلەرى" ءباسپاسوز قىزمەتىنە سىلتەمە جاساپ.
"قازتەلەراديو" سايتىندا حابارلانعانداي، 2021 جىلدىڭ 20 قازان ايىندا ساعات تۇنگى 03:00 مەن كەشكى 17:00 ارالىعىندا جەرسەرىكتىك، تسيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىنداعى سەرۆيستەر جابىلىپ، جوسپارلى-پروفيلاكتيكالىق جۇمىستار جۇرگىزىلەدى.
وسىعان بايلانىستى قازاقستاننىڭ بارلىق اۋماعىندا تەلەراديوارنالاردى رەترانسلياتسيالاۋ ۋاقىتشا توقتاتىلادى.
"قازتەلەراديو" اق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەدى. بۇل جۇمىستار تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت، ال توقسان سايىنعى جوسپارلى-پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى، سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا جۇزەگە اسىرىلادى. ۋاقىتشا قولايسىزدىقتار ءۇشىن كەشىرىم وتىنەمىز", - دەلىنگەن حابارلامادا.
ايتا كەتۋ كەرەك، مۇنداي جوسپارلى جۇمىستار بيىل 21 شىلدەدە جۇرگىزىلگەن بولاتىن.
"ادىرنا" ۇلتتىق پورتالى.
