Qazaqstanda teledıdar men radıo ýaqytsha toqtatylady, sebebi teleradıo habarlaryn taratý jelilerinde josparly-profılaktıkalyq jumystar júrgiziledi dep habarlaıdy "Adyrna" ulttyq portaly "Qazteleradıo kontaktileri" baspasóz qyzmetine silteme jasap.
"Qazteleradıo" saıtynda habarlanǵandaı, 2021 jyldyń 20 qazan aıynda saǵat túngi 03:00 men keshki 17:00 aralyǵynda jerseriktik, ıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi.
Osyǵan baılanysty Qazaqstannyń barlyq aýmaǵynda teleradıoarnalardy retranslıaııalaý ýaqytsha toqtatylady.
"Qazteleradıo" AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi. Bul jumystar teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asyrylady. Ýaqytsha qolaısyzdyqtar úshin keshirim ótinemiz", - delingen habarlamada.
Aıta ketý kerek, mundaı josparly jumystar bıyl 21 shildede júrgizilgen bolatyn.
"Adyrna" ulttyq portaly.
