قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەديۇلى "قازاقفيلمدى" جەكەشەلەندىرۋ ماسەلەسىنە قاتىستى ءوز پىكىرىن ءبىلدىردى.
"مەن قۋانىش سۇلتانۇلىنا ۇلكەن العىسىمدى بىلدىرەمىن. شىنىندا دا، بۇل وتە وزەكتى ماسەلە، سەبەبى بىزدە "قازاقفيلمنىڭ" مەملەكەت قاراماعىندا قالعانىن قالايمىز. ساتىلىمعا تەك 49 پايىزى قويىلدى، ال 51 پايىز مەملەكەت مەنشىگىندە قالا بەرەدى. سونىڭ وزىندە دە ءبىز كينوستۋديانىڭ مەملەكەت مەنشىگىندە قالعانىن قالايمىز", - دەدى ارىستانبەك مۇحامەديۇلى.
ءمينيستردىڭ ايتۋىنشا، كينوستۋديا وسىدان 4-5 جىل بۇرىن جەكەشەلەندىرىلۋى ءتيىس نىساندار قاتارىنا ەنگىزىلگەن. الايدا ونى ساتىپ الۋعا ىنتىزار بوعلان ادامدار تابىلماعان.
"وسىنشاما جىلدار بويى ساتىپ الۋشىلار قىزىقپاعان بولسا، مەن تەك ولاردىڭ بولماعانىن قولدايمىن", - دەدى مينيستر.
ايتا كەتەيىك، ءماجىلىس دەپۋتاتى "قازاقفيلم" كينوستۋدياسىن جەكەشەلەندىرۋ تىزىمىنە قوسپاۋدى سۇراعان ەدى.
tengrinews.kz
