تاۋەلسىزدىكتىڭ 30 جىلدىعىنا وراي شىمكەنت قالاسىندا جىل سوڭىنا دەيىن «قاراپايىم زاتتار ەكونوميكاسى» باعدارلاماسىمەن قارجىلاندىرىلعان قازاقستانداعى بىرەگەي كاسىپورىن – «KazAlPack» الليۋميني بانكالار ءوندىرىسى ىسكە قوسىلادى.
يندۋستريالاندىرۋ كارتاسى ەنگەن بۇل جوبا «وڭتۇستىك» يندۋستريالدى ايماعىندا جۇزەگە اسىرىلۋدا. بۇگىندە قۇرىلىسى قارقىندى جۇرگىزىلۋدە.
جىل سوڭىنا دەيىن 145 جۇمىس ورنىمەن اشىلاتىن بۇل جوبانى ىسكە اسىرۋعا 23,4 ملرد تەڭگە ينۆەستيتسيا تارتىلسا، 19 ملرد تەڭگە كولەمىندەگى سومانى «قاراپايىم زاتتار ەكونوميكاسى» باعدارلاماسىمەن قارجىلاندىرىلدى.
جىلدىق قۋاتى 500 ملن دانا قالبىر بانكالار شىعاراتىن ءوندىرىس ورنى ەلىمىزدەگى شكى سۇرانىستىڭ 65 پايىزىن قامتاماسىز ەتپەك.
ايتا كەتەيىك، يندۋستريالاندىرۋ كارتاسى شەڭبەرىندە قالامىزدا بيىل 17 جوبانى ىسكە اسىرۋ جوسپارلانعان. ناتيجەسىندە 40 ملرد تەڭگە كولەمىندەگى ينۆەستيتسيا تارتىلىپ، 758 جاڭا جۇمىس ورىندارى اشىلماق. ونىڭ ىشىندە بيىلعى سەگىز ايدا 5 جوبا ىسكە قوسىلىپ، 385 جاڭا جۇمىس ورىندارى اشىلعان. تارتىلعان ينۆەستيتسيا كولەمى 12,6 ملرد. تەڭگەنى قۇراعان.
