بيىل شىمكەنت قالاسى اكىمىنىڭ تاپسىرماسىنا سايكەس قالامىزداعى جول جانە قوعامدىق قاۋىپسىزدىكتى قامتاماسىز ەتۋ ماقساتىندا قالا اۋماعىندا ۇلتتىق بەينەمونيتورينگ جۇيەسىن قۇرا وتىرىپ بەينەباقىلاۋ كامەرالارىن ورناتۋ تاپسىرىلعان بولاتىن. وسىعان سايكەس، بەينەباقىلاۋ كامەرالارىن ورناتۋ ءۇشىن پوليتسيا دەپارتامەنتىمەن مەكەنجاي باعدارلاماسى ازىرلەنىپ بەكىتىلدى.
مەكەنجاي باعدارلاماسىندا 1500 جالپى باقىلاۋ، 200 جەلىلىك ۋچاسكەگە جانە جول قيىلىسىنا 100 كامەرانى ورناتۋ جوسپارلانعان بولاتىن.
تاۋەلسىزدىكتىڭ 30 جىلدىعى قارساڭىندا باعدارلاماعا سايكەس 1115 جالپى باقىلاۋ، 197 جەلىلىك ۋچاسكەگە جانە 3 كوشە قيىلىسىنا بەينەباقىلاۋ كامەرالارى ورناتىلىپ، جۇمىستار جالعاسۋدا.
بارلىق كامەرالاردى باقىلاپ وتىرۋ ءۇشىن دەرەكتەردى وڭدەۋ ورتالىعى قۇرىلدى. اتالعان جۇمىستار قازان ايىنىڭ سوڭىنا دەيىن اياقتالسا، بەينەباقىلاۋ كامەرالارى ىسكە قوسىلادى.
