قر تۇركياداعى ەلشىلىگى، حالىقارالىق تۇركسوي ۇيىمى جانە كەچيورەن اكىمشىلىگى اقىننىڭ قۇرمەتىنە وراي بىرنەشە شارا ۇيىمداستىردى، دەپ حابارلايدى "ادىرنا" ۇلتتىق پورتالى.
انكارانىڭ جامبىل كوشەسىنە ەسكەرتكىش تاقتايشا ورناتىلدى. ەندى انكارالىقتار جىر الىبىنىڭ ءومىربايانىن تاقتايشاعا ورناتىلعان qr كود ارقىلى وقي الادى. شاراعا قازاقستاننان قازاقستان جازۋشىلار وداعىنىڭ توراعاسى ۇلىقبەك ەسداۋلەت باستاعان زيالى قاۋىم وكىلدەرى، الماتى قالاسى جانە الماتى وبلىسىنىڭ اكىمشىلىك وكىلدەرى، جىر الىبىنىڭ ۇرپاعى سالتانات جامبىلوۆا جانە ونەر ادامدارى ارنايى كەلدى.
شاراعا قاتىسۋشىلار جامبىلبىڭ ۇستازى ءسۇيىنباي ارونۇلىنىڭ ەسكەرتكىشىنە گۇل شوعىن قويىپ، رۋحىنا تاعزىم ەتتى. 175 جىلدىققا ارنالعان شارا "جامبىل- تۇركى دۇنيەسىنىڭ جىر الىبى" اتتى حالىقارالىق كونفەرەنتسيامەن جالعاستى. تۇركسوي ۇيىمى ۇيىتقى بولعان جيىندا قازاق اقىنىڭ تۇركى الەمىندەگى ءرولى، شىعارمالارى جايىندى اڭگىمە قوزعالدى.
كونفەرەنتسيا بارىسىندا جامبىل جاباەۆتىڭ تۇرىك تىلىنە اۋدارىلعان تاڭدامالى تۋىندىلار كىتابىنىڭ تۇساۋى كەسىلدى.
"ادىرنا" ۇلتتىق پورتالى
