امەريكا قۇراما شتاتتارى شەكارانى نىعايتۋعا كومەكتەسۋ اياسىندا تاجىكستان قورعانىس مينيسترلىگىنە 20 جول تالعامايتىن كولىك تاپسىردى، دەپ حابارلادى Asia Plus اقپاراتتىق اگەنتتىگى.
كەشە، 5 قازاندا اقش-تىڭ تاجىكستانداعى ەلشىسى دجون مارك پوممەرشايم مەن تاجىكستان قورعانىس ءمينيسترىنىڭ جابدىقتار مەن قولداۋ جونىندەگى ورىنباسارى، گەنەرال-مايور حۋسراۆ بوبوزودا جەڭىل كوپ ماقساتتى كولىك قۇرالدارىن تاپسىرۋ راسىمىنە قاتىستى.
جالپى قۇنى 1,3 ميلليون دوللاردى قۇرايتىن دجيپ ماشينالارى تاجىكستان ارمياسىنىڭ ارنايى جاساقتارىنا شالعايداعى تاۋلى شەكارالاس ايماقتاردا وپەراتسيا جۇرگىزۋگە مۇمكىندىك بەرەدى، دەلىنگەن امەريكا ەلشىلىگىنىڭ سايتىندا.
«بۇل وتەۋسىز كومەك شەكارا قاۋىپسىزدىگىن قامتاماسىز ەتۋ ءۇشىن تاجىكستانعا كورسەتكەن قولداۋىمىزدىڭ ءبىر مىسالى. ءبىز تاجىكستانعا شەكارا قاۋىپسىزدىگى سالاسىنداعى تىعىز ىنتىماقتاستىق ءۇشىن ريزامىز جانە بىرلەسكەن جەتىستىكتەرىمىزبەن ماقتانامىز. ءبىز تەرروريزممەن، ەسىرتكى بيزنەسىمەن جانە يادرولىق قارۋدىڭ تارالۋىنا قارسى كۇرەستە سەرىكتەس بولىپ قالا بەرەمىز. ءبىز بىرگە جۇمىس ىستەگەندە مىقتى بولامىز»، - دەدى اقش ەلشىسى تاپسىرۋ راسىمىندە
1992 جىلدان بەرى اقش تاجىكستانعا 330 ميلليون دوللار اسكەري كومەك كورسەتتى. بۇل كومەك اياسىندا رەسپۋبليكانىڭ قاۋىپسىزدىك كۇشتەرىنە جالپى سوماسى 10,5 ميلليون دوللاردى قۇرايتىن 358 اۆتوكولىك بەرىلدى، دەلىنگەن امەريكا ديپلوماتيالىق ميسسياسىنىڭ سايتىندا جاريالانعان حابارلامادا.
"ادىرنا" ۇلتتىق پورتالى
