Amerıka Qurama Shtattary shekarany nyǵaıtýǵa kómektesý aıasynda Tájikstan Qorǵanys mınıstrligine 20 jol talǵamaıtyn kólik tapsyrdy, dep habarlady Asia Plus aqparattyq agenttigi.
Keshe, 5 qazanda AQSh-tyń Tájikstandaǵy Elshisi Djon Mark Pommershaım men Tájikstan Qorǵanys mınıstriniń jabdyqtar men qoldaý jónindegi orynbasary, general-maıor Hýsrav Bobozoda jeńil kóp maqsatty kólik quraldaryn tapsyrý rásimine qatysty.
Jalpy quny 1,3 mıllıon dollardy quraıtyn djıp mashınalary Tájikstan armııasynyń arnaıy jasaqtaryna shalǵaıdaǵy taýly shekaralas aımaqtarda operaııa júrgizýge múmkindik beredi, delingen Amerıka elshiliginiń saıtynda.
«Bul óteýsiz kómek shekara qaýipsizdigin qamtamasyz etý úshin Tájikstanǵa kórsetken qoldaýymyzdyń bir mysaly. Biz Tájikstanǵa shekara qaýipsizdigi salasyndaǵy tyǵyz yntymaqtastyq úshin rızamyz jáne birlesken jetistikterimizben maqtanamyz. Biz terrorızmmen, esirtki bıznesimen jáne ıadrolyq qarýdyń taralýyna qarsy kúreste seriktes bolyp qala beremiz. Biz birge jumys istegende myqty bolamyz», - dedi AQSh elshisi tapsyrý rásiminde
1992 jyldan beri AQSh Tájikstanǵa 330 mıllıon dollar áskerı kómek kórsetti. Bul kómek aıasynda respýblıkanyń qaýipsizdik kúshterine jalpy somasy 10,5 mıllıon dollardy quraıtyn 358 avtokólik berildi, delingen Amerıka dıplomatııalyq mıssııasynyń saıtynda jarııalanǵan habarlamada.
"Adyrna" ulttyq portaly
