تۇركىمەنستاندا پرەزيدەنت گۋربانگۋلى بەردىمۇحامەدوۆتىڭ كىتاپتارىن حالىق اراسىندا ناسيحاتتاۋ مەن تاراتۋدىڭ كەزەكتى ناۋقانى باستالدى، دەپ حابارلايدى "ادىرنا" ۇلتتىق پورتالى ورتالىق ازيا جاڭالىقتار قىزمەتىنە سىلتەمە جاساپ.
تاۋەلسىزدىكتىڭ 30 جىلدىعىنا وراي شىعارىلعان «تاۋەلسىزدىك - ءبىزدىڭ باقىتىمىز» كىتابىن تۇركىمەنستاننىڭ مەملەكەتتىك مەكەمەلەرى مەن كاسىپورىندارىنىڭ قىزمەتكەرلەرى مەن ستۋدەنتتەر ساتىپ الۋى كەرەك دەپ مىندەتتەلىپتى.
سونىمەن قاتار، جەكەلەگەن ايماقتاردىڭ بيلىگى پرەزيدەنتتىڭ شىعارماشىلىعىن ناسيحاتتاۋ ءۇشىن حالىقتى ىنتالاندىرۋ شارالارىن قولدانىپ جاتىر. لەباپ ۆەلاياتىندا مادەنيەت قايراتكەرلەرىنە مەملەكەت باسشىسىنىڭ جاڭا تۋىندىسىن ماداقتايتىن مۋزىكالىق شىعارمالار جاساۋ تاپسىرىلدى. جەڭىمپازدارعا مەملەكەتتىك تاۋەلسىزدىكتىڭ كەلەسى مەرەيتويىندا تابىس ەتىلەتىن سىياقى ۋادە ەتىلدى.
بۇل ارادا لەباپ ۋنيۆەرسيتەتىندە ستۋدەنتتەرگە پرەزيدەنتتىڭ جاڭا كىتابىن جاتقا ايتۋعا شاقىرادى. ىنتالاندىرۋ رەتىندە ستۋدەنتتەرگە 100 مانات (شامامەن 25000 تەڭگە) اقشالاي سىياقى ۋادە ەتىلدى.
مەملەكەتتىك باق -تىڭ حابارلاۋىنشا، بۇل كىتاپ ءۇش تىلدە - تۇرىكمەن، اعىلشىن جانە ورىس تىلدەرىندە باسىلىپ شىققان جانە ەلدىڭ تاۋەلسىزدىك جىلدارىنداعى جەتىستىكتەرىنە ارنالعان.
تۇرىكمەنستان پرەزيدەنتى گۋربانگۋلى بەردىمۇحامەدوۆ باسقارعان 15 جىل ىشىندە 60 -تان استام كىتاپ شىعاردى. كىتاپتار ءار ءتۇرلى تاقىرىپتى قامتيدى جانە جۇيەلى تۇردە شىعارىلادى. ءداستۇر بويىنشا كىتاپ شىعارۋ مەرەكە كۇندەرى مەن وقيعالارعا سايكەس كەلەدى. ەلباسىنىڭ اۆتورلىعىمەن شىعارىلعان كىتاپتاردىڭ تاقىرىبىنا جىلقى شارۋاشىلىعى، يت ءوسىرۋ، تۇرىكمەن ءداستۇرى، كىلەمدەر، شاي مەن دارىلىك وسىمدىكتەر دە كىرەدى.
"ادىرنا" ۇلتتىق پورتالى
