ۇلتتىق قاۋىپسىزدىك كوميتەتى (ۇقك) تۋرالى ەرەجەدەن تۇڭعىش پرەزيدەنت نۇرسۇلتان نازارباەۆتى قورعاۋدى الىپ تاستاۋ 24 قاراشاعا دەيىن تالقىلانادى. 10 قاراشادا اشىلعان تالقىلاۋعا ازىرگە كوپشىلىكتەن پىكىر تۇسپەدى. «اشىق نقا» پورتالىندا قازاقستان پرەزيدەنتى جارلىعىنىڭ جوباسى جاريالاندى، دەپ حابارلايدى “ادىرنا” ۇلتتىق پورتالى.
وسى قۇجاتقا سايكەس ۇقك تۋرالى ەرەجەدەن رەسپۋبليكانىڭ تۇڭعىش پرەزيدەنتى نۇرسۇلتان نازارباەۆتى قورعاۋ تۋرالى جارعىنى الىپ تاستاۋ جوسپارلانۋدا.
وسىلايشا، 14-تارماقتىڭ 2-تارماقشاسىنىڭ 13-ابزاتسىنىڭ جاڭا رەداكتسياسىندا ۇقك ەلباسىنىڭ مارتەبەسى تۋرالى ناقتىلاۋسىز «قازاقستان رەسپۋبليكاسى پرەزيدەنتىنىڭ قاۋىپسىزدىگىن قامتاماسىز ەتۋگە قاتىسۋى» ءتيىس دەلىنگەن.
بۇرىنعى رەداكتسيادا ۇلتتىق قاۋىپسىزدىك كوميتەتى «قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسىنىڭ تۇڭعىش پرەزيدەنتى-ەلباسىنىڭ قاۋىپسىزدىگىن قامتاماسىز ەتۋگە قاتىسۋعا» مىندەتتى ەكەندىگى ايتىلعان.
ايتا كەتەيىك، جارلىقتىڭ جوباسى 24 قاراشاعا دەيىن قوعامدىق تالقىلاۋدا.
