شىمكەنتتە «ەڭبەك» مەملەكەتتىك باعدارلاماسى شەڭبەرىندە 3 ايلىق كاسىپتىك وقىتۋ كۋرستارىنا 2500 استام ازامات جولداندى. جوبانىڭ ءى كەزەڭى 21 ماۋسىمدا باستالدى. بيىل 600 ادام جۇمىس بەرۋشىلەردىڭ سۇرانىسىنا سايكەس ءبىلىمىن شىڭداۋدا. 1 900 ادام 24 كاسىپ نەگىزىندە جانە ەڭبەك نارىعىنىڭ سۇرانىسىنا سايكەس 30-دان استام قاجەتتى ماماندىقتار بويىنشا قىزمەتكەرلەر وقىتىلاتىن بولادى.
كۋرستا ازاماتتار 30-دان اسا ماماندىقتار بويىنشا ءبىلىمىن جەتىلدىرمەك. ونىڭ ىشىندە ديزاينەر، كونديتەر، تىگىنشى، اۆتوەلەكتريك،تاس قالاۋشى، كران ءماشينيستى، ۆيزاجيست، شاشتاراز شەبەرى، اسپاز سىندى ماماندىقتار بار. قاتىسۋشىلارعا اي سايىن 17 مىڭ تەڭگە كولەمىندە شاكىرتاقى تولەنەدى. وقۋعا 18 جاستان زەينەت جاسىنا دەيىنگى جۇمىسسىز ازاماتتار قاتىسا الادى.
ءدارىس بەرۋ اپتاسىنا 6 كۇن، 6 ساعاتتان جۇرگىزىلەدى. وقۋ اياقتالعان سوڭ ارنايى سەرتيفيكات بەرىلەدى. سونىمەن قاتار،وقۋىن اياقتاعان ازاماتتاردى ەڭبەك نارىعىنىڭ سۇرانىسىمەن جۇمىس بەرۋشىلەردەگى پايدا بولعان بوس جۇمىس ورىندارىنا جۇمىسقا ورنالاسۋىنا ىقپال ەتىلەتىن بولادى.
