بيىل ەكىنشى جىل قاتارىنان شىمكەنتتىك جاماعان ايت نامازىندا يىق تىرەسە المادى. پاندەمياعا بايلانىستى ديني مەرەكەگە شەكتەۋ قويىلدى. دەگەنمەن قۇرباندىقتى ونلاين شالۋعا رۇقسات بەرىلدى.
كارانتيندىك شەكتەۋگە بايلانىستى قۇربان شالۋشىلاردا، كومەك الۋشىلاردا ونلاين قىزمەتىنە جۇگىندى. اشىقتىقتى قامتاماسىز ەتۋ جومارتتىق تانىتقاندارعا قۇرباندىق شالىنعانى جونىندە ۆاتساپ ارقىلى ۆيدەو جولدانىپ وتىردى. ءدىن قىزمەتكەرلەرى مەن بەلسەندىلەر ىگى ءىستىڭ باسىنان تابىلدى. سونىمەن قۇربان ايتتىڭ ءبىرىنشى كۇنى قۇرباندىققا 200 گە جۋىق تاپسىرىس ءتۇستى. 10 شاقتى ءىرى قارا مەن ۇساق مال قۇرباندىققا شالىندى.
باقداۋلەت ءابدىراحمانوۆ – شىمكەنت قالاسىنىڭ باس يمامى
قالا بويىنشا مەشىتتەر جابىق. جانە ايت نامازى وقىلعان جوق. دەگەنمەن قۇربان شالۋشى مۇسىلماندارعا ونلاين تۇردە 2021 سايتى ارقىلى قىزمەتكورسەتىپ جاتىرمىز.
بۇل جەرگە كەلىپ جاتقان مالدىڭ بارلىعى مەديتسينالىق تەكسەرۋدەن وتكەن. قۇرباندىق شارتتارى تولىق ورىندالعان. ول ءۇشىن ۆەتەرينار دارىگەرلەر الدىن الا تەكسەرۋ جۇمىستارىن جۇرگىزگەن. دەگەنمەن بيىل قۇرباندىق شالۋشىلاردان كومەك سۇراۋشىلار قاتارى باسىم.
مۇحامەتجان ەستەمىروۆ – شىمكەنت قالاسى باس يمامىنىڭ ورىنباسارى
قارقىنىنا كەلەر بولساق بىلتىرعىدان تومەن . مۇمكىن ءالى كەلەدى دەگەن ۇمىتتەمىز.
ءدىني ءىس-شاراعا پوليتسيا قىزمەتكەرلەرىدە بەلسەنە اتسالىستى. قوعامدىق ءتارتىپتى رەتتەۋگە ىقپال ەتتى. ال قىزىلسىراعان كومەككە مۇقتاج وتباسىلار ايت مەرەكەسىندە ءبىر مارقايىپ قالدى.
ك. دۇيسەنبى
