شىمكەنتتە №1 قالالىق كلينيكالىق اۋرۋحاناسى جانىنان 100 ورىنعا ارنالعان ينفەكتسيالىق ستاتسيونار اشىلدى. اتالعان مەديتسينالىق نىساننىڭ ناۋقاستاردى قابىلداۋ پروتسەسىمەن قالا اكىمىنىڭ ءبىرىنشى ورىنباسارى شىڭعىس مۇقان ارنايى بارىپ تانىستى.
كوروناۆيرۋستىق ينفەكتسيا جۇقتىرعان ناۋقاستار سانىنىڭ وسۋىنە بايلانىستى جاساقتالعان بۇل ستاتسيونار جۇكتى ايەلدەرگە ارنالعان. رەزەرۆتىك ستاتسيوناردا رەانيماتسيالىق توسەك ورىندار مەن ناۋقاستاردى ەمدەۋ ءۇشىن بارلىق قاجەتتى مەديتسينالىق جابدىقتارمەن قامتىلعان. مۇندا دارىگەرلەر كوۆيد اۋرۋىنىڭ ورتاشا جانە اۋىر اعىمى بار ناۋقاستاردى ەمدەيدى.
اكىم ورىنباسارى ىندەتپەن كۇرەستە جالعىز ءتيىمدى ءادىس – ۆاكتسيناتسيا ەكەنىن ايتىپ، جاقىندارىمىز بەن اينالامىزداعى ادامداردىڭ دەنساۋلىعىنا جاناشىر بولۋعا شاقىردى.
ايتا كەتەيىك، قازىر قالادا ينفەكتسيالىق اۋرۋعا شالدىققان 1346 ازامات ستاتسيوناردا ەم قابىلداۋدا. توسەك-ورىن تولىمدىلىعى 61% قۇرايدى. وتكەن تاۋلىكتە 421 ناۋقاستان كوروناۆيرۋس انىقتالعان.
شىمكەنت قالاسى اكىمدىگىنىڭ ءباسپاسوز قىزمەتى
