وسى جىلدىڭ 10 شىلدەسىنەن باستاپ №2 قالالىق اۋرۋحانا ينفەكتسيالىق ستاتسيونار رەتىندە جۇمىس ىستەيدى. وسىعان سايكەس، مەديتسينالىق مەكەمە كوۆيدكە شالدىققان ناۋقاستاردى قابىلدايتىن بولادى. بۇگىن قالا اكىمى مۇرات ايتەنوۆ اۋرۋحانانىڭ ينفەكتسيالىق ستاتسيونار رەتىندە دايىندىق بارىسىمەن تانىسىپ قايتتى.
ەمدەۋ مەكەمەسىنىڭ باس دارىگەرى قانات تۇمانوۆتىڭ ايتۋىنشا، مۇنداعى ينفەكتسيالىق ستاتسيونار 250 توسەك ورىنعا دايىندالعان. توسەك ورىنداردىڭ بارلىعىنا وتتەگى نۇكتەسىمەن قامتىلىپ، ءۇش ايلىق دارىلىك قورى دايىندالعان. مۇنان بولەك 53 جاساندى تىنىس الۋ اپپاراتى، كت، تسيفرلى رەنتگەن سىندى ينفەكتسياعا شالدىققان ناۋقاستاردى ەمدەۋگە قاجەتتى جابدىقتاردىڭ بارلىعى بار.
ال، مەديتسينا ماماندارى ناۋقاستارعا قاجەتتى كيسلورودتى اۋرۋحانانىڭ جانىنان اشىلعان وتتەگى تسەحىنان تاسىمالدايتىن بولادى. وتكەن جىلعى جاعدايدى ەسكەرە وتىرىپ، شاھار باسشىسى اۋرۋحانا باس دارىگەرىنە كوۆيدكە شالدىققان ناۋقاستاردى قابىلداۋ بارىسىن تاعى دا پىسىقتاۋدى تاپسىردى.
گ. قالمىرزاقىزى
